Deporte Local

Ministerio di Deporte y Sidney Ponson Charity Foundation ta dispuesto pa traha hunto pa un solo meta mehora e deporte den su totalidad


Diadomingo ultimo den un atmosfera ameno Minister di Enseñansa y
Deporte Endy Croes, a reuni cu e conoci pelotero di Grandes Ligas Sidney Ponson di
Sidney Ponson Charity Foundation, presente na e reunion aki tambe Milton Croes y
Carl Micheal Bikker. E mandatario tin un solo meta, pa mehora enseñansa y deporte.
Durante e reunion a comparti vision, plannan y a intercambia pensamento riba
diferente proyecto pa mehora e deporte na Aruba.

E reunion a bay den un bon ambiente, a elabora riba e proyecto grandi na Bubali cu
Sidney Ponson Charity Foundation tin pa nos muchanan y hobennan. Tambe a
elabora riba e Wahoo Shootout cu lo tuma luga dia 4 di December binidero. E
mandatario a elabora riba proyectonan y varios punto di competencia internacional di
baseball, softball y competencia escolar. A compremete pa traha hunto na bienestar
general y creando oportunidad pa nos atletanan.

Sindey Ponson Charity Foundation a expresa di ta sumamente contento cu Minister
Endy Croes a mustra gratitud y sosten pa yuda cu e evento y proyectonan na
caminda.

“Ministerio di Deporte y Sidney Ponson Charity Foundation ta dispuesto pa traha
hunto pa un solo meta mehora e deporte den su totalidad”, e mandatario a enfatisa.
E Mandatario a expresa cu deporte ta un vehiculo cu ta conduci nos riba e bon
caminda den bida nos mester motiva y yuda nos deportistanan sigui crece y sigui
desayora.

Related posts

Gobierno ta trece claridad riba cambionan relaciona cu weekend di Pasco Grandi y dialuna di Resureccion.

EA News Author

Departamento di Aduana ta inicia opleiding Kommies der Invoerrechten en Accijnzen

EA News Author

Oudercommissie Colegio Arubano ta avisa tur mayor pa no paga SVOA

EA News Author

Leave a Comment