PoliticaLocal

MoU entre Gobierno di Aruba y UFApa colecta data y comparti cu Santa Rosa

Ua Mou X Ufa

Gobierno di Aruba y United Farmers Aruba por medio di Santa Rosa a firma un MoU pa colabora cu otro den colecta data y sigui desaroya e nivel di agricultura local. Cu e MoU cu a firma ta dal e pasonan debido den e direccion pa crea un sector primario mas fuerte y sostenibel, cu un compromiso di cooperacion pa un termino di 3 aña.

Ta sigui contribui na desaroyo positivo di nos Pais, cual ta ser stimula a base di cooperacion entre Gobierno y partnernan clave den comunidad”, minister Arends a cuminsa bisando. Lo centralisa conocementopa establece miho practicanan pa asinasubi eficiencia. Tambe lo evita pa satura e mercado cu un solo variedad – of variedad limita –  di producto.

Aruba ta depende grandemente di importacion di cuminda cual tin efecto directamente riba nos grado di siguridad di alimentacion. Un cooperacion entre Ministerio di Economia, Ministerio di Naturalesa y sector priva, esta e Associacion di Agricultornan pa asina sigui desaroya positivamente riba e tereno di agricultura, nos sector primario.

Den minister Arends su vision pa nos sector primario tin e compromiso pa aumenta e siguridad di alimento den 2025 na 15% – y na 2030 na 20%. Pa esaki lo uza instrumentonan pa stimula e sector como tambe traha riba e puntonan cu wordo identifica cu lo por stroba e desaroyo den e sector aki.

Entre e instrumentonan clave pa stimula e sector, ta referi na e conocemento, sistemanan duradero y sostenibel di agricultura, intercambio di data y un bon iniciativa comercial.

A clausura cu un palabra di gratitud y felicitacion na Santa Rosa, United Farmers Aruba y Ministerio di Economia. Y na tur nos agricultornan, danki pa contribui pa un Pais cu por provee pa su mesun hendenan.

Related posts

Ortodontista nobo pa Aruba

EA News Author

Sabiduria den nos Alegria: Ruthy”Lady Ruth”Vrieswijk-Bergen

EA News Author

Filomena MAVO ta orguyoso di Analys Kock

EA News Author

Leave a Comment

Whatsapp Message