SaludFeatured

Na Aruba 𝐃𝐕𝐆 𝐚 𝐬𝐮𝐛𝐢 𝐜𝐚𝐲𝐚 𝐩𝐚 𝐛𝐮𝐬𝐜𝐚 𝐩𝐫𝐨𝐝𝐮𝐜𝐭𝐨 𝐢𝐧𝐟𝐞𝐜𝐭𝐚 𝐜𝐮 𝐇𝐞𝐩𝐚𝐭𝐢𝐭𝐢𝐬 𝐀

Ahzakjemetblauwebessen1Kg 1 1
Departamento di Salud Publico di Aruba (DVG) a tuma nota di un informacion publica pa RIVM Hulanda riba casonan di Hepatitis A vincula cu e producto ‘Blauwe Bessen’ 1kg di e marca AH.
Mesora nos seccion Warenkeuring en Hygiëne a subi caya y haci bishita na algun supermercado specifico conoci pa ta bende productonan procedente di Hulanda.
Por informa cu ta unicamente un supermercado ta bende e marca specifico aki cu ta AH na Aruba y desde ayera caba nan a wordo notifica di e problematica cu e producto, pa cual motibo nan a saca tur e productonan for di vriezernan caba.
Apesar cu DVG no por a topa cu e producto a conseha management di e supermercado pa verifica cu nan no tin e producto aki warda den warehouse y si esaki ta e caso pa deshaci di esakinan mesora, particularmente e batch cu tin expire day april 2025 pa april 2026.
DVG ta haci un yamado tambe na comunidad y na sector hotelero pa controla si nan
por tin e producto aki den nan disposicion.
Si esaki ta e caso ta haci un apelacion pa no consumi e producto y deshaci di esaki mirando cu e por ta contamina cu e virus di hepatitis A.
Te na e momento aki DVG no a registra ningun caso di hepatitis A cu por ta vincula cu e producto aki, pero lo sigui monitor esaki di cerca.
Hepatitis A ta wordo ocasiona pa un virus cu ta plama di hende pa hende na
momento cu un persona ingeri cuminda of bebida contamina cu e virus procedente
di un persona infecta cu a bay wc y sea no a laba su man of no a laba esaki
suficientemente bon.
E virus di Hepatitis A ta ocasiona inflamacion di higra y ta duna e sintomanan di diarea, cansancio, keintura, dolor di join, perdida di apetit y sacamento.

Related posts

Acuerdonan a wordo haci door di gobierno pa gobierno y e Rijkswet lo mester keda acorda door di parlamento di Hulanda y Aruba

EA News Author

Parlamento y gobierno ta na altura di tur e abusonan cu ta tumando luga na Hospital

EA News Author

Minister Endy Croes: E luna aki lo inicia e trayecto pa modernisa nos Leynan di Enseñansa

EA News Author

Leave a Comment

Whatsapp Message