Algun siman atras e dos partidonan AVP –FUTURO ta den formacion, esaki no ta significa cu nan dos mester forma, pero e ta un proceso legal cu mester cana. Si nan forma esaki ta significa cu e negociacionnan tabata un exito, pero si no forma nan lo mester avisa gobernador di Aruba y asina e siguiente proceso por sigui.
Indicacion tin cu nan ta leu di otro mirando e exigencianan cu lider number 1 di partido FUTURO tin siendo ta tres asiento e tin y ta biba cu e ego y pensamento cu pueblo a vota pe den un gran escala y ta exigiendo posicion nan cu e no tin derecho riba dje pa exigi. Esaki ta e muestra di fenomeno di miedo y no ta confia su partner lider di AVP Mike Eman.
Sinembargo e prome Lider di FUTURO mester cana e camindanan aki legalmente y pasa door di e proceso aki y si no ta sinti cu tin e confiansa pa goberna cu AVP ta mañan mainta 7 di februari 2025 e lider di FUTURO mester notifica Gobernador di Aruba si e ta sinti diacuerdo y cu posiblemente por sigui negosha pa yega na otro pa tin un gobierno pa Aruba. Banda di tur e insiguridad cu AVP y FUTURO ta treciendo den e pueblo di Aruba di no informa esunnan cu a vota pa nan eynan ta trece un duda y un desbalance den comunidad, esaki a cuminsa awo mes , imagina con lo e por ta si forma un gobierno.
Partido AVP y of partido FUTURO ningun di dos por acerca partido MEP ainda, mirando cu cada uno mester traha cu ley y regla cu ta e proceso cu nan mester cana y cu nan ta den dje na e momentonan aki. Sinembargo diabierna dia 7 di februari awo ta un dia crucial riba e informacion cu lo trece pa gobernador y na salida pa informa pueblo di Aruba con AVP y FUTURO ta para.
Te na e momentonan aki no ta papia di ningun cartera , kende tin of no tin cartera, te na e momento nan aki ta papia di con lo goberna kico cada partido kier for di otro y tin un pensamento mutuo con lo kier hiba Aruba padilanti, na momento cu ta cla cu e parti aki e siguiente pasonan lo tuma luga cu reparticion di cartera. Actualmente te ainda no tin nada riba reparticion di cartera.
Tur e listanan cu ta coriendo rond ta listanan fake cu ciudadanonan ta traha y no ta nada oficial y of intencion cu ta asina lo ta e formacion di futuro gobierno di Aruba.
