Detenshonnan pa manehá bou di influensia di alkohòl
Den e dianan ku a pasa, polis a detené dos(2) shofùr pa manehá bou di influensia di alkohòl.
Djabièrnè 24 di yüli, alrededor di 2.25 or di mardugá, a detené un dama di inisial F.F. di 21 aña di edat riba Kaya Grandi. Un patruya a para e sospechoso den su vehíkulo despues ku a konstatá ku e tabata kore zeilu riba kaminda. A hasi un tèst di supla kuné i a resultá ku el a konsumí mas alkohòl ku ta pèrmití pa lei. El a haña prohibishon di manehá pa 2 ora.
Djaweps 23 di yüli, alrededor di 10.40 or di anochi, a detené un hòmber di inisial M.B.E. di 72 aña di edat riba Kaya Kampana. Un patruya a para e sospechoso den su vehíkulo despues ku a nota komportashon peligroso di manehá. Durante kòntròl e sospechoso tabata mustra diferente karakterístika di un persona ku ta bou di influensia di alkohòl. A hasi tèst di supla kuné i a resultá ku e el a konsumí mas alkohòl ku ta pèrmití pa lei. El a haña prohibishon di manehá pa 3 ora.
A transportá ámbos sospechoso pa warda di polis pa kontinuá ku e trámitenan korespondiente. Aki nan lo haña un prosèsferbal tambe.
Aksidente entre outo i bròmer
Djárason 22 di yüli, alrededor di 10.55 or di anochi, ‘meldkamer’ sentral a risibi notifikashon tokante un aksidente riba Kaya Grandi na altura di Kaya Albert Engelhardt. Na yegada di polis a resultá ku un outo i un bròmer a dal frontal den otro. Ambulans a transportá shofùr di e bròmer pa hòspital pa tratamentu médiko. Shofùr di e bròmer no por a mustra un reibeweis i a haña but pa esaki. Konforme e maneho di ‘botsen is blazen’, a hasi tèst di supla ku ámbos shofùr i no tabatin indikashon tokante uso di alkohòl.