Djamars 8 di desèmber 2020 alrededor di 11.50’or, polis a tuma nota di un shofùr ku tabata kore di un forma iresponsabel den Saliña.
Na momentu ku e unidat a ordená e shofùr pa para, el a hisa velosidat i kore bai.
Polis a kuminsá mesora ku un persekushon i na altura di Landhuis Hel, a bin logra para e vehíkulo aki.
Durante di investigashon a sali na kla ku e pareha ku tabata den e outo, un hòmber i un muhé, lo a benta un arma di kandela for di e outo.
A konfiská e arma aki, un pistol, i a detené e hòmber L.G. i e dama I.M., ámbos nase na Kòrsou.
A presentá e duo sospechoso dilanti di un fiskal ouksiliar, ku a ordená nan enkarselamentu, pendiente di mas investigashon.