ORANJESTAD, Aruba
Durante un lunch ofreci pa C3 na e participantenan di e Leadership Academy di Cruz Cora, C3 y Cruz Cora Aruba a concretiza un acuerdo cu ta existi pa varios aña caba pero no den forma di un contract. C3 a bira oficial un Partner Strategico di Cruz Cora Aruba pa 5 aña.
C3 lo bai sigui ta encarga cu e sistema di radio di Cruz Cora Aruba cu ta wordo usa durante tur actividad. Esaki ta encera sponsor di e mantencion anual y tambe lo tambe facilita 10 radio extra ora tin mester pa actividad grandi y den calamidad.
Cruz Cora Aruba ta gradici e team di C3 pa e sosten di semper y ta contento cu e acuerdo pa e proximo 5 aña tambe. Hunto cu partners asina, Cruz Cora Aruba por sigui brinda nos comunidad mas sosten.
Potret: Director C3, Sr. Bert Schreuders y Director Cruz Cora Aruba, Sr. Michel La Haye
