Na nos mesa di redaccion a yega un keho riba e maneho di protocol na momento cu mester yama un ambulance pa un famia cu a haya un ataca di epilepsia na su cas y e ta su so y no por haya ningun otro hende na Aruba pa por yama 911. Famianan na Hulanda cu ta pendiente cu nan ser keri na Aruba , na momento cu nan haya nan mes den un situacion cu nan mester yama Aruba pa pidi un ambulance no ta haya e ayudo necesario. For di Hulanda no por yama 911, pa e motibo aki mes ta yama sea IMSAN of Hospital pa tuma accion, pero lamentablemente e respuesta cu ta ser haya na momento cu ta trata minuutnan cu ta conta pa bida di un ser humano , lamentablemente ta laga hopi di desea.
For di Hulanda sra. Oduber Bermudes ta conta loke e la pasa aden pa por scapa su ruman homber na Aruba
E Situashon di Emérgensia
Dia 6 di december 2025 mi a tende cu mi ruman na Aruba a cay riba tera y no tabata reacciona. E tabata mas cu binti minuut sin su consenshi, y combina cu su epilepsia esaki tabata un situacion di peliger mortal.
Mi a haci loke un persona ta mester haci den un caso di emergencia: mi a keda trankil, mi a mira e hecho y mi a tuma accion di inmediato pa yama 1e Hulp IMSAN Aruba for di Hulanda, na un manera trankil y funcional.
• Loke mi tabata spera: yudansa.
• Loke mi haña tabata: un grabacion.
Den un emergencia nunca, nunca bo mester haya un grabacion!
cada seconde ta conta!
Ora finalmente mi a papia cu un persona cu a tuma e telefon y mi a splica e situacion claramente, e respuesta tabata: “Mester yama 9-1-1.”
Mi a splica cu claridad:
mi ta na Hulanda;
9-1-1 no ta funciona aki
mi tin e adres
mi ruman no ta reacciona
e ta un situacion medico di emergencia.
Pero e presupuesta tabata mescos: “No. Mi no por haci esey.”
Tempo ta pasa mientras mi ruman ta sin consenshi
“E yamada aki no tabata solamente un yamada. Tabata e tempo cu mi a perde splicando e situacionn y pidiendo yudansa, mientras cu e pashent cu ta mi ruman tabata sangra benta riba tera.”
Tres Momento Documenta , Un Patrón (yamada pa Imsan)
6 december 2025 — 2 min 47 sec. yama → ningun yudansa
27 juli 2025 — 2 min 50 sec. yama → ningun yudansa
14 augustus 2025 — pregunta tocante number di emergencia internacional → nunca a duna presupuesta
Esaki no ta un incidente aparte. Esaki ta ripiticion.
y ripiticion ta converti esaki den un problema sistematico!
Mi Mensahe pa Comunidad Arubiano
Stima Arubiano,
Esaki no ta solamente tocante mi famia.
Esaki ta tuma control riba tur hende cu tin un conexion cu Aruba no importa unda bo ta den mundo.
Ora un persona na Aruba ta den peliger mortal, mester semper ta posibel pa haña yudansa.
E luga unda bo ta yama nunca mester dificulta manda un ambulance.
Si bo tin contacto cu un ser keri cu ta den peliger, bo mester,no importa unda bo ta, por yega na e servicio corecto di inmediato.
Unda protocol ta caba, humanidad mester cuminsa.
Loke ta Sucede: Fayo Structural di Sistema
Esaki no tabata un eror of mal comprendemento.
Esaki ta un problema sistematico destructivo.
Patronnan:
Preguntanan di ciudadano ta keda sin contesta
Responsabilidad ta wordo pasa pa otro hende
No tin feedback of splicacion
No tin respuesta riba informacion esencial
No tin accion ora ciudadano ta manda notificacion di peliger
Esaki ta crea fayo sistematico, peliger sistematico y daño sistematico!
Con e Sistema ta Funciona den Realidad ?
Ken cu ta pensa cu esaki ta un cos chiki, ta kibra na medio.
Esaki no ta un kraan cu ta laga awa.
Esaki ta un tank di awa henter.
Awe mi ta mustra solamente e prome straal.
Palabra di final
Esaki no ta e final, esaki ta solamente un capitulo.
E otro capitulonan lo keda pa despues.
E articulo aki ta dirigi na comunidad, na ciudadano.
Pero na mes tempo mi lo sigui e procedura formal di keho.
y si ta necesario, mi lo presenta esaki na Ombudsman di Aruba.