Local

Otorgamento di plach’i number di aña 2020 den forma di Drive-Thru

Dimp1 1

ORANJESTAD,Aruba

E weekend aki lo cuminsa otorga e plachinan A-1 te cu A-4000
ORANJESTAD – Departamento di Impuesto ta participa cu e otorgamento di plach’i number 2020 na publico en general lo ta den forma di Drive-Thru caminda publico lo no baha for di nan auto. Tur cliente cu tin e number A-1 te cu A-4000 ta keda invita pa pasa e weekend aki conforme e skema di fecha y orario menciona.

E DIMP Drive-Thru lo ta riba e parkeerplaats di e oficina principal na Camacuri y lo start for di 9 or di mainta y lo termina pa 3 or di atardi (nonstop). Ta pidi tur cliente pa tene cuenta cu e documentonan rekeri. Esakinan ta e comprobante di pago original di DIMP y un polisa di seguro vigente. Departamento di Impuesto ta enfatisa cu e servicio di Drive-Thru ta solamente pa otorgamento di plach’i number 2020. Pa tur otro asunto cu no ta regarda otorgamento di plachi, manera pago of registracion di vehiculo di motor lo mester acudi den siman sea na oficina principal na Camacuri of un MFA, cerca nos caheronan durante nos orario di custumber.

Aki ta sigui un skema pa e orario di servicio pa DIMP Drive-Thru valido pa e weekend aki. Dia Ora Tanda di number Diasabra 13 juni 2020 9:00am-3:00pm A1 – A2000 Diadomingo 14 juni 2020 9:00am-3:00pm A2001 – A4000

DIMP Drive-Thru Departamento di Impuesto ta pidi pa tene bon cuenta cu e Drive-Thru lo ta accesibel solamente via e caminda Avenida Milio Croes direccion Rumbastraat. Aki ta sigui un ilustracion importante.

Ta pidi tur cliente pa tuma bon nota di e participacion aki y ta pidi esnan cu nan plachi tin e number menciona pa haci uzo di e oportunidad. Si bo plach’i number no ta na turno, no preocupa, sigui nos anuncionan via Facebook pa e siguiente dianan di otorgamento. E otorgamento di plach’i number lo sigui den e simannan nos dilanti pero no den forma di Drive-Thru. E DIMP Drive Tru lo ta bek den servicio e siguiente weekend.

Related posts

Magazijn di dividivi,tamarij,divi phoenix y golf completamente kima

EA News Author

Ta lamenta cu hefe di departamento di aduana no ta duna cara pa resolve problema lubidando cu ta nengando di duna servicio na un comerciante

EA News Author

Pelicula “TIERRAS CALIENTES” ta cla pa su estreno

EA News Author

Leave a Comment

Whatsapp Message