Djaweps atardi den kareda di 3 ‘or e avion nobo di EZ Air, un Saab340, a hasi un promé buelo di prueba pa Boneiru.
Na Boneiru e avion a keda para algun ratu, promé ku ela bula bèk pa Kòrsou. Na yegado di un avion nobo, vooral si ta un tipo di avion ku no a usa anteriormente, mester hasi sierto ora di buelo di prueba pa Curaçao Civil Aviation Authority (CCAA) duna aprobashon pa usa e avion komersialmente.
Pa awe djabièrne tin otro buelo planeá entre Boneiru ku St. Eustatius. Den e buelonan di prueba ta ehekutá tur aspekto di buelo komo sifuera tabata un buelo komersial.
