Pero Henny Reinilla Di Asosashon di Gruponan di Karnaval Kòrsou (AGKK) a manda puntra gobièrnu, kon a para ku sèn di prekario dje gruponan di karnaval?.Prekario ta e parti kaminda pueblo ta paga pa un pidi lugá durante ruta di karnaval.
Pagando esaki e persona/su famia/konosínan por disfrutá di e obra ke gruponan ta presentá riba e ruta.Tur aña di nobo e gruponan di karnaval tin derechi pa haña e plaka aki. Gobièrnu ta laga un instansia di dje pa atendé ku kobransa i un parti di esaki mester bai pa e AGKK.
AGKK lógikamente lo parti esaki pa e gruponan ku a partisipá.
E aña aki a habri i nan no a risibí e plaka di karnaval 2020. Esnan ku a keda enkargá di esaki e bes aki ta ROP. AGKK sa kuantu sèn a kobra i asta e parti ku gobièrnu a retené pa nan.E sobra sèn a pasa di ROP i bai “financium” ku intenshon pa subi kuenta di AGKK pero nada ainda.
AGKK ku a puntra kon a para ku esaki, nan a informá nan ku e dokumentonan a bai bèk na VVRP i aki nan tur kos a keda pega. Segun AGKK ta un ámtenar a hinka esaki den lachi i ni minister Zita Leito i Kenneth Gijsbertha no por trese un klaridat pa nan.
Segun Henny, no a keda di otro di pensa, ku gobièrnu a kue e sèn i usa esaki pa otro kos. Awor e gruponan ku a traha duru pa trese un fiesta di karnaval, ta nan a keda perhudiká.