BonaireFeatured

Pa promé biaha Boneiru ta yama bon biní na Ritz Carlton Yacht Collection komo parti di e Plan di Rekuperashon di Turismo

Ritz Carlton 10 01 2023

Dia 6 di yanüari 2023 pa promé biaha nos isla tabata anfitrion di Evrima – Ritz-Carlton Yacht Collection i nos tabata sumamente kontentu ku e eksperensia akí. E yate magnìfiko akí, ku nan a konstruí na aña 2021, ta ofresé un eksperensia íntimo i eksklusivo pa maksimalmente 298 persona, kompleto ku akomodashonnan ‘all-suite’ i selekshonnan di sena di e kaliber di mas haltu. Evrima ta disponé di salonnan i espasionan públiko luhoso, di manera ku na bordo ta surgi un ambiente ku ta komparabel ku un estadia den un hotèl di sinku strea, pero riba un eskala hopi mas chikitu. Pa motibu ku pa kada wéspet tin un miembro di tripulashon, e nivel di hospitalidat ku nan ta brinda ta di e kalidat mas haltu posibel. 

E bishita akí ta forma parti di e Plan di Rekuperashon di Turismo pa Boneiru, ku tin komo meta pa atraé mas tantu yate luhoso pa Boneiru. Tourism Corporation Bonaire (TCB) a ofresé su servisionan na e ‘hospitality desk’ na bordo i a yuda ku dunamentu di informashon tokante Boneiru i tambe a rekomendá nos restorantnan i aktividatnan.

Na e okashon aki Virgy Balentin di Ofisina di Turisma a akudi na bordo, pa asina duna informashon enkuanto nos isla. Durante e yate su bishita, mayoria pasahero a baha i hasi un rekorido rond nos isla sea riba nan mes i tambe hasi uso di nos taksista nan. Evrima a keda Bonaire te ku 10’or di anochi, na unda a ofrese tantu su pasahero i tambe trahado nan e oportunidad pa disfruta di e gastronomia di Bonaire.

Den futuro nos ta spera di por yama bon biní na Evrima i otro yatenan similar na nos isla. TCB, den kolaborashon ku su stakeholdernan, ta anhelá un kontinuashon di e kolaborashon ku Ritz Carlton Yacht Collection. #itsinournature 

Rc Virgy 10 01 2023Rc Crew Pic 10 01 2023

Related posts

Minister Endy Croes tabata presente pa apoya e chikitonan durante nan wega di futbol

EA News Author

Minister Geoffrey Wever: Bishita di Sociaal- Economische Raad

EA News Author

Seccion Pre Hospital pa parada, nan di Carnaval

EA News Author

Leave a Comment

Whatsapp Message