ORANJESTAD,Aruba
Parlamentario Endy Croes a splika cu diabierna ultimo den oranan di mainta na Hulanda y marduga na Aruba tabata tin un Rijksministerraad esta un reunion di Conseho di Minister di Reino cu a tuma lugar unda topico ayudo y sosten pa Aruba, Curacao y St Maarten tabata riba agenda. Den reunionnan di Conseho di Minister di Reino e Ministernan Plenipotenciario di cada pais ta representa nan respectivo Minister Presidente di nan pais y pues den nos caso Minister Besaril ta representa Minister Presidente Evelyn Wever Croes. Alaves ta bon pa acentua cu un total di 16 Ministernan di Hulanda mas 2 Staatssecretaris ta participa na dicho reunionan di Rijksministerraad. Pues ora di votacion semper Hulanda por vota en blok esta 18 versus (3) Ministernan Plenipotenciario di Aruba, Curacao y St Maarten.
/// Peticion di Afl. 113.3 miyon florin a wordo aproba:
E peticion di Aruba cual tabata riba mesa ta pa un prestamo di Afl. 113.3 miyon reparti den e siguiente forma. E promer parti ta Afl. 63.9 miyon florin ta pa juda cubri nesecidad di liquides di gobierno incluyendo FASE y e di dos parti ta un suma di Afl. 49.4 miyon florin cu ta un suma pa cubri e Loonsubsidie ( Loonbehoud) pa e siguiente 6 simannan esta di 15 di Mei pa 3 di Juli. Relaciona cu e promer pago di Afl.63.9 miyon florin Conseho di Minister di Reino a aproba esaki alinstante y lo transferi esaki mesora pa Aruba. E di dos parti esta e loon subsidie di Afl. 49.4 miyon florin tambe a wordo aproba pero lo wordo poni disponibel pa Aruba despues cu CAFT duna su conseho si Aruba a cumpli cu e contenido di un protocol nobo cu a wordo sera siman pasa durante un tripartit entre Promer Minister di Hulanda Rutte, Minister di Financien Hoestra y (3) Promer Ministernan di Aruba, Curacao y St Maarten. Esaki ta di 3 zachte lening cu Aruba a logra ricibi for di Hulanda na 0% di interes cu sea Aruba lo mester paga bek aki 2 aña of por refinancia esakinan aki 2 aña. Ta un prestamo conosi tambe bou di e terminologia “bullet lening” y pues no mester page mesora.
/// Esaki ta di (3) zachte lening cu Hulanda a duna Aruba den crisis:
Gobierno di Aruba tabata manehando finasas publico di Aruba na e manera corecto ultimo 2 añanan. Esaki a crea espacio y fortifica e confiansa di Hulanda pa cu Aruba. Desde cu Mike Eman y AVP a desgracia nos finansas publico creando e Mega Debe pa e pais aki Hulanda a bay over na introduci CAFT pa Aruba pa controla e gobierno di Mike Eman cu tabata malgasta plaka a la wild west. E Team Evelyn Wever Croes y Xiomara Maduro a logra den apenas 2 aña reduci deficit di 444 miyon di Mike Eman comnertiendo esaki na 2019 den promer Surplus. CAFT te hasta pa promer biaha den historia a gaba e maneho financiero di Aruba den nan rapport di Januari 2020. Lamentablemente Corona Crisis a trese un cambio total pa henter mundo den esaki. Pesey Hulanda cu tur confiansa a juda Aruba den luna di April cu e promer zachte lening di 42.8 miyon cu urgencia pa pa liquides cu condicion cu mester baha salaris. Dia 1 di Mei Aruba a logra ricibi su di dos zachte lening di Afl. 49.4 miyon pa Loon Subsidie y diabierna ultimo 15 di mei Hulanda a aproba e di 3 zachte lening pa Aruba esta un suma di Afl. 113.3 miyon florin cual a splika mas akiariba con e reparticion lo ta. Tur cos ta ilustra cu e confiansa di Hulanda den Gabinete Wever Croes ta uno solido y respeta danki na e trabounan duro cu a wordo hasi pa reskata nos pais.
