Durante una conferencia di prensa di fraccion di MEP, parlamentario Dangui Oduber a referi na e situacion rond di Minister Gerlien Croes, indicando un falta di transparencia y un kibramento di integridad.
Oduber a señala cu, segun e programa di gobernacion 2025–2028 presenta pa gabinete AVP–FUTURO, gobierno ta compromete na varios punto y ta garantisa transparencia na su gestion. Sinembargo, segun e parlamentario, Minister Croes no ta cumpli cu esaki, y ta crea preocupacion den e manera cu informacion ta wordo comparti cu pueblo di Aruba.
Oduber a insisti cu transparencia mester keda un prioridad den gobierno, y ta pidi cu ministerio pertinente mustra mas claridad riba su decisionnan y operacion den e viahe cu jet priva di un comerciante local grandi na Aruba.