Politica

Parlamentario drs. Mervin Wyatt-Ras: Minister Oduber mester traha y stop di pronkia cu pluma di otro

Mervin Wyatt Ras 1

Esey ta e mensahe cu Parlamentario di Partido Pueblo Arubano (AVP) a bin cu ne diamars mainta durante e conferencia di prensa semanal di e partido. Wyatt-Ras a condena e echo cu Minister di Salud Publico, Dangui Oduber a elogia su gobierno pa e logro di acreditacion JCI (Joint Commission International) cu Instituto Medico San Nicolas a obtene recientemente.

Despues di a felicita directiva y ekipo completo di ImSan pa e acreditacion cu ta permiti nan funciona na un nivel mas competitivo y cu respaldo di un institucion manera Baptist Health di Florida, e parlamentario a coregi Minister Oduber su ponencia cu merito ta di Gabinete Wever-Croes.

Un logro hopi grandi. Un proceso cu a inicia di hopi aña atras,” asina Wyatt-Ras a bisa referiendo na e iniciativa cu e titular di salud publico di Gabinete Mike Eman, esta Richard Visser.A tuma mas cu dies aña pa realisa e vision di partido AVP. Awo e acreditacion lo yuda eleva e calidad di servicio cu ta brinda y lo haci posibel cooperacion internacional cu otro institutonan. 

E parlamentario di AVP ta kere cu, na luga pronkia cu pluma di otro, Minister Oduber mester preocupa su mes mas pa su posibel rol den e investigacion penal, manera esun Vacuna Gate caminda su empleado y campañadonan a bay cera pa motibo di fraude cu certificacion di vacuna.

E titular actual di salud publico mester asumi su responsabilidad pa e fraude aki. Tambe e tin cu busca un solucion pa e restriccion cu tin den remedi cu AZV ta cubri (austerisacion di e positieve lijst), na luga di felicita su mes pa trabou cu e no a haci.

Comunicado Parlamentario drs. Mervin Wyatt-Ras

Related posts

Parlamentario Richard Arends (AVP); Deficit adicional di 2020 lo redobla

EA News Author

Banco Mundial ta presenta na Conseho di Minister nan rapport riba seguridad di cuminda na Aruba durante y despues di e pandemia di COVID19

EA News Author

Parlamentario miguel mansur: aruba a pasa su capacidad di por carga turista

EA News Author

1 comment

Leave a Comment

Whatsapp Message