Politica

Parlamentario Endy Croes: A solicita pa 4 reunion Publico. “Tin 4 rapport di Algemene Rekenkamer cu ta rekeri atencion den Reunion Publico”


ORANJESTAD,Aruba

Parlamentario Endy Croes a habri aña cu diferente trabou. Banda di preparacionnan cu tabata tin pa IPKO a logra den e prome siman di januari bastante trabou. Entre otro, Algemene Rekenkamer esta Controlaria General a emiti 3 rapport final di 2019. Dia 24 di october 2019 a finalisa e rapport “Focusonderzoek met zicht op subsidie” cual a wordo entrega na Staten 6 di november 2019. Dia 14 di november 2019 Algemene Rekenkamer a finalisa e rapport “Publiek Private Samenwerking” cu hopi informacion riba Green Corridor y Watty Vos Boulevard cual rapport a wordo entrega dia 25 di november 2019 na Parlamento. Por ultimo dia 21 di november 2019 a termina e rapport “Focusonderzoek: Oorzaken Overwerk van KPA, KIA en CEA” y cual rapport a wordo entrega 17 di december 2019 na Staten. Parlamentario Endy Croes ta di opinion cu mester e debatenan publico, esta reunionnan publico pa trata e tres rapportnan aki separa. 

Banda di esaki tin e rapport di Algemene Rekenkamer “Bo Aruba” unda ta ilustra con e bandidonan Mike Eman y Benny Sevinger a malgasta 1 BIYON, esta 1000 miyon di pueblo den e proyectonan aki. Total tabata calcula na 1.6 BIYON florin pero cu cambio di gobernacion a logra para e sobranan. 

Solicitud pa 4 diferente reunion

Endy Croes a manda carta pa presidente di Staten Juan “Ady” Thijsen solicitando pa pone riba agenda 4 diferente reunion publico pa nos por hiba un debate alrespecto e 4 rapportnan aki di Algemene Rekenkamer. Parlamentario Endy Croes ta compronde cu pronto Parlamento lo bay ta hopi ocupa pa trata Presupuesto 2020 pero manera cu logra aproba e presupuesto 2020 y esaki ta tras di lomba lo keda en espera pa e 4 reunion publiconan aki wordo yama pa trata e rapportnan aki. Ta di vital importancia pa nos por trata e rapportnan aki den debatenan publico hunto cu e Ministernan encarga cu e respectivo carteranan y Directornan di departamentonan concerni. 

Malgastamemto di placa den ‘Bo Aruba’

E rapport “Bo Aruba” ta uno hopi importante unda pueblo lo haya sa con Mike Eman y Benny Sevinger a malgasta boso placa. P’esey uno a grita den Parlamento cu e ta orguyoso di e debe y e debe t’ey pa nos tur bay pag’e den futuro, anto e otro a grita cu “I don’t give a damn!” Despues di a compromete Aruba cu 1 BIYON, Parlamentario Endy Croes ta termina bisando cu esaki ta e motibonan cu nunca pero nunca mas AVP por bolbe na poder.

Parlamentario Endy Croes a yega di manda un carta pa Ministerio Publico cu copia di e rapport aki pa nan duna nan punto di bista riba e rapport aki y si esaki ta un base pa nan cuminsa un investigacion penal. Ministerio Publico lo ta man yen cu casonan di corupcion di Paul Croes y Benny Sevinger y kisas no por a pone atencion suficiente na e rapport y pregunta di Parlamentario Endy Croes. E siman aki lo percura pa manda un rappel pa Ministerio Publico riba esaki. Tin hende ta cana liber ainda pa suerte pero den 2020 nan number lo hunga porque yes! 


Related posts

Minister Dangui Oduber: A trata presupuesto di Ministerio di Turismo y Salud Publico den Parlamento

EA News Author

Cu nos determinacion y nos vision, nos lo haci Aruba fuerte atrobe

EA News Author

A celebra di international di Aduana un dia pa para keto y reflecciona

EA News Author

Leave a Comment