Politica

Parlamentario Endy Croes: Daphne Lejuez sostenedor di maldad. “A horta asiento, sostene Benny pa e por biaha y no a papia ni un palabra contra rapport Bo Aruba


ORANJESTAD,Aruba

Parlamentario Endy Croes a keda masha babuca diahuebs 13 di februari ultimo na momento cu Parlamento a bini hunto pa trata e rapport Bo Aruba prepara pa Algemene Rekenkamer. Rapport Bo Aruba ta un rapport cu Algemene Rekenkamer a prepara basa riba 10 hoofd projecten y 241 deel projecten cu AVP a orkestra desde PPP projecten y tur sorto y tipo di proyecto na balor di 1000 miyon florin.

E gobierno actual ta sinta awe cu e batata cayente usando hopi creatividad pa paga pa e desaster di Mike Eman y AVP. Berdaderamente e rapport ta data desde 2018.  Parlamentario Endy Croes a splica cu su persona a manda carta pa Ministerio Publico cu copia di e rapport desde 2018 pero no a haya reaccion. Tambe Parlamentario Endy Croes a manda carta pa un minister na Hulanda cu copia di e rapport pero tampoco a ricibi un reaccion.

Daphne a pega cu e virus di AVP

Daphne Lejuez ta post “beter laat dan nooit”. Unda caraho Daphne tabata ta desde cu e rapport aki a sali na 2018? Pakico bo mes no haci un esfuerso cumpliendo cu bo trabao y  pusha pa yama e reunion kisas mas prome? Ta awor cu Fraccion di MEP a manda un carta oficial pa Presidente di Parlamento e reunion aki a mira luz di dia. Den e rapport ta para diferente caminda cu a comete ‘onrechtmatigheden’ entre otro Benny a peca contra art 26 di Ley di Contabilidad. Ta pa algo similar Tico Croes ex lider di AVP a wordo condena strafrechtelijk. Daphne a pega cu e virus di AVP y nunca pero nunca mas a asisti na trabou desde cu el a horta e asiento di MEP cu excepcion ora tin reunion publico. Durante e reunion di diahuebs ultimo solamente Marlon Sneek a pone nomber pa hiba un discurso mientras Daphne Lejuez a prefera di henter dia sinta combersa y “cucucha” cu Richard Arends di AVP den sala di Parlamento buscando oportunidad pa subi lista di AVP enbes di lesa e rapport y haci pregunta pa trece claridad. Asina bo ta sirbi pueblo? 

AVP ni RAIZ no kier e traidor

Den AVP esnan cerca di Mike Eman tin Mike hura cu pena la vida bin cu Daphne riba lista como Daphne ta un traidor, e no ta di confia y no ta ‘fit’ den perfil di AVP. Si bo no tabata sa pues puntra pa bo haya sa!  Daphne na final di december 2019 a acerca RAIZ tambe pero eynan tampoco e no a wordo acepta pio ainda cu el a solicita e puesto number uno. Que locura, cos di hari!

Daphne na defensa di e bandolero

Mesun Daphne aki a rabia cu MEP tempo cu mi persona a manda yama un reunion pa baha Benny for di avion como cu un sospechoso den corupcion di tereno no por ta apto pa representa Parlamento. Daphne a sapatia y a defende e Bandolero Benny cu alma y cuerpo siendo ainda e tabata forma parti di Fraccion di MEP y ta unico cu a bay contra e proposicion di partido. Segun Daphne ta masha normal pa un sospechoso representa su pais y a vota “voor” pa Benny biaha riba cuenta di Parlamento. Esaki sinembargo no a bay door y mayoria a vota pa baha e corupto Benny for di avion. Na Hulandes nan ta bisa “en terecht!”

Finalmente Daphne cu apenas 100 voto ta “bula cura”, horta un asiento cu e no a ni traha pe. Actitudnan asina den politica ta actitud di un hende sin escrupulo, sinberguensa y golos pa cos. P’esey e ta leun awor na AVP. “Cada ladron juzga por su condicion” Endy Croes ta termina bisando: Traha pa bo placa y defende pueblo y stop di para pa maldad. Proximo eleccion pueblo lo huzga bo y no bay yora despues.

Press Release Fraccion di MEP   

Related posts

Minister Rocco Tjon : Ainda Aruba no ta unda e mester ta den cuido di frontera

EA News Author

Ricardo Croes (RED) : Serlimar tabata un problema cu por a keda soluciona masha tempo

EA News Author

Premier Evelyn Wever – Croes: Presentacion di 2 buki di sr. earney lasten

EA News Author

Leave a Comment