ORANJESTAD, Aruba
Parlamentario Endy Croes ta bisa ta inaceptable e rumbo cu Hulanda ta pushando nos gobernantenan aden. Mundo henter ta den crisis y ta pa promer biaha den 24 aña di Status Aparte Aruba ta pidi Hulanda pa presta (no duna) nos plaka pa sobrebibi e Pandemia y re-start nos economia.
/// Mike Eman y AVP a redobla nos debe y destrui nos economia:
Parlamentario Croes ta splika cu den nos promer 23 aña di Status Aparte desde 1896 te cu 30 di october 2009 ( momento cu MEP a bandona gobierno) tur signaturanan di ME_-AVP-MEP of Coalision a laga un debe nacional di 43%. IMF den tur su rapportnan a recomenda cu un isla ( islanan den Caribe) no por surpasa un debe nacional di 55% cual nan a jama e depth achor di 55%. Pues den 23 aña Aruba a cumpli a pie de la letra y tabata den un comfortzone saludable y sostenible financieramente. Mike Eman y AVP a araza finansas di Aruba desde 31 di october 2009 momento cu AVP a tuma rienda di gobernacion pa 17 di november 2017 ( 8 aña) momento cu pueblo a baha nan. Kiko a tuma lugar? AVP a redobla e debe nacional di 43% y a manda esaki te 93% na november 2017. Si no ta pa e desgracia y malmaneho financiero aki awe Aruba por a pasa door di e crisis di corona virus practikamente su so sin mester ta mendiga y wanta abuso di Hulanda.
/// Condicion pa Bo hypotheek: Na unda, color y ken ta biba aden cu Bo:
Pa simplifika e descusion nos kier hasi e siguiente comparacion. Un cuidadano ta bay banco pa presta plaka. Banco ta verifika su status y e ta bin na remarke pa e prestamo di 150 mil florin pa construi su cas d. E cuidadano ta cumpli cu tur cos y banco ta felicite. Promer cu bay over na firma pa ricibi e plaka Banco ta jama e cuidadano y ta bise tur cos ta kla pero tin algun condicionnan adicional cu Bo mester bay di acuerdo cunan pa nos por firma. 1. E cas mester wordo construi riba e tereno di dump na parkietenbos, 2. E color mester ta berde, 3. Un kamber ta bira weekend kamer di e accountmanager di Banco. Si no firma e extra condicionnan aki no lo hanja e plaka. Pues ta den e contexto aki nos mester mira e offerta di Hulanda. CAFT a duna positieve advies pa dal bay paga e derde tranche di 204 miyon desde 24 di Juni. Dia 3 di Juli Knops ta jama pone extra voorwaarden. Dia 6 di Juli ta manda 2 Rijkswet cu condisionnan intragabel cu nan kier pa Aruba firma sin lesa promer cu 10 di Juli. Awe 1 luna despues nan No kier ni negosha manera hende decente. Mesun momento nan ta regala paisnan den Europa cu 24.000 miyon Euro ( 24 miljard) sin condicion. Aruba mester guli e trato aki sin mas y entrega Aruba na Hulanda cual porcierto aki 5 aña nos por ta un Gemeente? Really. Laga nos conta nos pueblo e storia completo Endy Croes ta termina bisando.
