PoliticaFeaturedLocal

Parlamentario Endy Croes: Ministerio Publico “on the move” A bolbe drenta cas di x Minister di AVP Benny Sevinger e sospechoso principal

Endy 35 Parlamento3June2020 1 1

Parlamentario Endy Croes a tuma nota cu e machin di Ministerio Publico ta “on the move” ultimo dianan. Pa varios luna Parlamentario Endy Croes a splika cu e mes a cuestiona e rapidez di e investigacion den caso Avestruz comokiera cu pueblo tabata cuestiona esaki masha hopi y semper Parlamentarionan tabata pidi pueblo pa carga pasenshi como cu ta trata di un investigacion masha masha grandi cu ta implica masha hopi hende.

 Pa di dos biaha a drenta cas di Benny x minister di AVP:

Dia 1 di october 2019 Ministerio Publico a hasi un entrada hudicial na cas di Benny Sevinger pero tambe a drenta e mesun dia cas di Leoncita Arends di canal 90. Ambos a ricibi documento for di Ministerio Publico unda nan a bira  sospechoso den e caso di corupcion cu tereno. Ta trata di un caso “gigantesco” di corupcion y fraude cu patrimonio di pueblo esta cu tereno. Mientras investigacion a continua nos a compronde cu Ministerio Publico trahando den combinacion cu Ministerio Publico di otro paisnan manera Panama, Colombia, Corsow, St Maarten y hasta Florida  ta ilustra cu no ta trata di un caso chiquitto sino un caso hopi pero hopi grandi. Net 15 luna despues riba  di e promer entrada hudicial pa ta exacto 13 di Januari 2021,  Ministerio Publico a regresa residencia di Benny Sevinger x minister di AVP e sospechoso mayor den henter e caso aki cu un di dos entrada hudicial. Kiko ta e pistanan cu a conduci entre otro Ministerio Publico, Lands Recherche, RST pa bolbe bay eynan no ta mucho conosi. Pesey mester duna Ministerio Publico espacio nesesario pa termina nan investigacion. A bay cu basta documento adicional pero tambe e celular di e casa di Benny Sevinger. Por a compronde cu a saca masha hopi potret di e cas, bentana, mosaico y a midi henter e cas. Benny lo por ta meti di a ricibi regaldo a cambio di otro fabornan? Investigacion lo determina esaki y asina cu e rekesitor di Fiscal keda kla pueblo lo haña sa kiko ta tur e bagamunderianan cu Benny ta wordo acusa di dije.

Benny acusa pa 5 encargo:

Benny ta sospechoso di husticia cu 5 acusacion masha pisa. Promer ta Valsheid in geschrifte esta Falsificacion, tambe Benny ta wordo acusa di Oplichting esta Estafa, di tres acusacion contra Benny  ta Misbruik van Functie pues maluso di poder, di cuater acusacion ta Aannemen van steekpenningen esta soborno y di cinco acusacion ta opzettelijk gewoonte witwassen y esaki ta pues pa labamento di plaka. E acusacionnan aki ta masha pisa y e x minister di AVP mester bay atende y defende su mes riba un cantidad di acusacionnan cual Ministerio Publico tin hopi prueba contra dije. Partido AVP ta sinonimo na “Corupcion”y  desde tempo di su x lider Tico Croes a wordo investiga y huzga  pa husticia pa fraude y corupcion y tin strafkaart y condena. Paul Croes di AVP tambe tin strafkaart y a wordo huzga na 4 aña di prison y su caso den hoogberoep lo bin dilanti promer cu maart e aña aki. Awor ta turno na Benny Sevinger otro x minister di AVP y sospechoso di husticia cu mester bay duna cuenta cu lokual tin riba mesa awor no lo tin awa pa laba y lo bay ricibi un condena. Mike Eman ta next in line cu keho pisa contra dije. Ta con AVP lo bay sera lista? Ken lo por tin gana di subi lista di AVP ainda? Kiko ta pensamento di Robert Candelaria un polis cu kier pretende cu e ta integro? Duna tempo tempo!

Endy 35 Parlamento3June2020 1 1 Scaled

Related posts

Parlamentario Alvin Molina (MEP): Derecho di un ambtenaar mester wordo respeta

EA News Author

Minister Rocco Tjon: A reconoce baluartenan di cuerpo di bombero di aruba

EA News Author

Parlamentario Miguel Mansur: Mi kier compronde kico realmente a bay robes den FASE

EA News Author

Leave a Comment

Whatsapp Message