Aña parlamentario 2025-2026
Diamars 9 di September a tuma luga apertura di aña Parlamentario 2025 – 2026. Presente tabata Gobernador di Aruba señor Alfonso Boekhoudt, Gobierno di Aruba, Parlamentarionan y demas invitadonan. Pa Parlamento ta un honor semper pa tin e bishita di gobernador y manera custumber e mainta aki, señor Boekhoudt a duna e mensahe cu el a haya di Gobierno na unda ta fiha y/of indica e vision di Gobierno.
Parlamentario Evelyn Wever-Croes a indica cu na momento cu señor Boekhoudt a duna e mensahe tabata un momento pa para keto y reflexiona riba e aña nos dilanti. Un aña hopi importante na unda mester bay para pa e democracia den Parlamento pa nan no kita e autoridad di Parlamento. Tambe el a indica cu como parlamentario e discurso tabata falta di vision, y direccion, caminda a scucha hopi palabranan bashi. Mas sigur esaki ta debi cu hopi di e maneho ta continua di e Gobierno anterior di Gabinete Wever-Croes manera nan a indica. Tambe nan a indica cu tin algun aspecto cu nan kier explora pero nan no ta concreto riba esakinan.
Fraccion di MEP den Parlamento lo keda pendiente pa mira con Gobierno ta bay duna contenido na e palabranan cu a wordo expresa e mainta aki den sala di Parlamento. Y ta sigura comunidad di por conta cu nan lo tey, pa exigi respet pa Parlamento paso Parlamento ta representa e bos di cada un di e ciudadanonan di pais Aruba.
