CuracaoPoliticaFeatured

Parlamentario mr. Mc William: Kòrsou mester habri pa tur esnan ku a bakuna i asina kuminsá katalisá nos ekonomia i turismo

Photo Giselle 10032020

Mundialmente e sektor turístiko a keda afektá pa motibu di e pandemia di COVID19 di kual ta e sektor ku a haña e sla di mas duru unda mayoria hende a pèrdè trabou direpiente. Kòrsou no ta un eksepshon despues ku na aña 2020 durante e promé “lockdown “ di un forma rápido nos por a mira kon e sektor aki i otro nan a kai den otro ku konsekuensia ku míles di kuponan i futuro kuponan di trabou a desaparesé aki na Kòrsou. For di na kabamentu di aña 2020 diferente pais na mundu a kuminsá bakuna i asina krea perspektiva pa ku salubridat i pa ku ekonomia mundial. Mirando e éksito di bakunashon ya bo ta mira pais manera Grecia, Spaña i Bahama’s ku e sektor di turismo ta importante pa nan ekonomia a anunsiá ku nan porta ta habri pa tur turista ku por prueba ku nan a bakuná.

 

Esaki ta e momento mirando e velosidat ku bakunashon ku ta tumando lugá aki na Kòrsou i nesesidat pa kuminsá katalisá nos ekonomia, Kòrsou tambe mester dal e stap “bold “ aki i anunsiá ku tur hende ku a bakuna ta bon bini i asina lanta e sektor aki ku ta krea míles di empleo pa mamanan ,tatanan i hobenan den e bunita sektor aki ku hopi aktualmente ta dependé di Gobièrnu. Ta demostrá ku turismo ta e mekanismo despues di un krísis ku hopi rápido ta yuda paisnan kuminsá rekuperá ekonómikamente.

Ban yama un i tur bon bini basta nan bakuna.

Related posts

Ciudadano ta lamenta cu su casa ta keda neglisha dor di dokternan na Aruba

EA News Author

Mester pone mas atenshon na personanan ku un desabilidat ku ta biba nan so

EA News Author

Epidemiólogo Dr. Izzy Gerstenbluth a informa ku 75% di e 24 muestranan ku a manda RIVM na Hulanda a resulta positivo pa e variante ingles di Coronavirus

EA News Author

1 comment

Leave a Comment

Whatsapp Message