Politica

Parlamentario Rocco Tjon: Gabinete Wever-Croes por cuminsa busca inversionista y operador nobo pa refineria.


ORANJESTAD, Aruba

Manera ta conoci e contract cu Gabinete Eman a sera cu CITGO tawata uno cu a perhudica pais Aruba. Locual mas a resalta pa loke ta Citgo y Gabinete Eman ta aperturanan ficticio cu a costa pais Aruba hopi placa, viahenan pa Texas y Venezuela pa negocia apertura, y entradanan ficticio pa logra sera presupuesto di pais Aruba. Maniobranan aki pa sera presupuesto a wordo haci por cierto dos aña tras di otro.

TRANSFER AGREEMENT

Partido Mep nunca a haci un secreto cu nan ta para pa apertura di nos refineria. E impacto cu un refineria operacional tin riba nos economia y specificamente tambe economia di San Nicolas ta enorme. Diabierna ultimo CITGO y RDA a firma un “transfer agreement” unda cu CITGO a transferi e operacion di e refineria y terminal pa RDA.

PROCESO NOS DILANTI

Esaki ta e prome paso den e proceso pa termina acuerdonan cu Gabinete Eman a sera cu CITGO. E terminacion a bira necesario na momento cu a bira claro cu CITGO no por cumpli cu su obligacionnan mas pa motibo di sancionnan imponi pa gobierno di Merca. Dentro di poco Gobierno lo presenta un concepto di ley na Parlamento unda cu lo trata e terminacion di contractnan. Despues di esaki lo cuminsa e proceso pa busca un inversionista y operador nobo pa nos refineria.

PA CONCLUI

Pa prome biaha den historia, Pais Aruba, atraves di dos compania estatal, lo opera e “transshipment terminal” temporalmente. Mes importante ta pa preserva e refineria mientras cu Gabinete Wever-Croes lo cuminsa e proceso pa busca un operador nobo.


Related posts

Parlamentario Endy Croes: Ministerio Publico “on the move” A bolbe drenta cas di x Minister di AVP Benny Sevinger e sospechoso principal

EA News Author

Minister Maduro ta gradici ATA Latino America pa nan presencia hunto cu corant

EA News Author

Parlamentario Arthur Dowers : Maneho di Coronavirus no ta realistico

EA News Author

Leave a Comment