PoliticaFeatured

Parlamentario Setty Christiaans-Yarzagaray (MEP): Gobierno ta logra un surplus apesar di gasto halto di interes di pais Aruba

Parlamentario Setty Christiaans Yarzagaray 1

Gobierno di AVP a haci proyecto sin placa, nan a keda sin paga y awo pueblo ta sufri e consecuencia! 

E proceso di tratamanto di presupuesto ta brinda hopi informacion ademas di e memoria di splicacion mes cu ta compaña concepto di ley di presupuesto di pais Aruba pa aña 2023. Un presupuesto cu na prome lugar despues di 15 aña a cu a cumpli cu ley door di a wordo entrega na ora, per 1 di september. Un presupuesto cu te despues di 15 aña segun registro di Banco Central di Aruba ta proyecta un surplus di 63.3 miyon florin logrando asina un surplus di 1% di GDP cu si realisa lo ta di 4 biaha den historia di pais Aruba cu Dios kier. Y esey despues di un crisis asina grandi causa pa e Pandemia cu ta riba su mes esfuersonan sobrehumano y resultadonan impresionante despues di menos di 3 aña di entrada di Covid.

Presupuesto di pais Aruba pa 2023 ta proyecta 1,607 miyon florin na entrada y alabes 1,544 miyon florin na gasto. Otro informacionnan cu ta presenta den e presupuesto ta cu tin proyecta 214 miyon florin na subsidio pa e diferente fundacionnan y tin 205 miyon florin aloca pa servicio y producto cu ta representa mas tanto e operacion di sector publico. Pa inversion mes gobierno a proyecta solamente 20 miyon florin cual tin su splicacion. 

Ademas di tur loke ya e ser splica anteriormente mester señala cu tin 250 miyon florin aloca na 2023 pa paga interes. Mester bisa cu na 2007 Aruba a paga 107.6 y na aña 2010 a paga 129.6 miyon florin na interes (por observa grafico). Pa fin di 2022 mes Aruba ta bay paga un total di 253.2 miyon florin na interes. Pues awe pais Aruba ta paga casi 2 ½ biaha mas hopi interes cu entre 12 pa 15 aña pasa. Pa 2022 e gastonan di interes ta representa practicamente 16% di tur entrada di cual ta un porcentahe hopi halto den relacion cu entrada of hasta compara cu otro gastonan manera subsidio y producto y servicio cu ta operacion di Gobierno y fundacionnan.

Motibo di e gastonan halto aki di interes ta relata na dos factor primordialmente. Uno ta e hecho cu gobernacion di Mike Eman I y II su mal maneho financiero a produci añanan algo di deficitnan hamas registra na pais Aruba anto den bon tempo y sin crisis (por observa den e grafico). Mester remarca ademas cu hayando suficiente placa den caha pa traha cu n’e cu a keda atras di Gobernacion di MEP despues cu Valero a paga 280 miyon na BBO y despues cu Aruba a gana caso di garantia di Plant Hotel di 250 miyon florin entre otro. Otro motibo ta e debenan off-balanced ademas di nan interes cu Gobernacion di Mike Eman I y II a produci e tempo ey pero awor a yega ora pa paga bek cu orguyo (manera el a bisa) pa ehecuta proyectonan grandi infrastructural PPP di Green corridor, renobacion di hospital, Watty Vos Boulevard na mes momento enbes ta ehecuta un y despues sigui cu un e otro dependiendo di e Aruba su capacidad financiero. 

Pesey ta importante pa un pais sigui produci surplus y mas ainda awor paso e unico manera pa paga debe ta placa produci pa un surplus ademas cu esaki ta contribui na e direccion di un finansas publico sano, sostenibel y duradero. Mirando e debenan y interes cu mester paga bek awe, ta keda pais Aruba poco espacio pa inversion net ora ta mas importante cu nunca mirando e crisis cu nos a pasa aden y awor cu mas cu nunca mester placa pa inverti pa desaroya nos economia pero tambe pa prepara nos pa futuro mirando e les cu e Pandemia a siña nos. 

Gobierno Ta Logra Un Surplus Apesar Di Gasto Halto Di Interes Di Pais Aruba

Related posts

Prome Minister Evelyn Wever-Croes: Aruba ta wordo Upgraded pa Tier 2

EA News Author

Aunke tin ley tog ta scoge pa cana cu cacho brabo riba caya

EA News Author

Frakshon MFK ta sostené posishon di Minister di Hustisia pa koperá i bolbe habri Campo Alegre

EA News Author

Leave a Comment

Whatsapp Message