Local

Pasa Pret cu Rotaract 2022 Ban Bek Caiquetio


9 aña invertiendo den nos muchanan

Den cuadro cu dia internacional di mucha, Pasa Pret cu Rotaract a celebra su di 9 edicion cu wega y actividadnan divertido cual un bes mas a haci hopi mucha contento y trece varios famia hunto pa un dushi dia di actividad.

E aña aki cu celebracion di Pasa Pret cu Rotaract a bay tremendo y mas miho cu tabata spera.
Den pasado, Pasa Pret cu Rotaract aña aki a yega na un promedio di 300 mucha of mas cu a participa na e evento sin conta nan famianan cu a compaña nan. Rotaract Club of Aruba ta un club hopi fuerte cu a conta cu boluntarionan regular di nan Club, y como tambe boluntario extra pa e evento aki.

Tabata tin diferente actividadnan manera e huki di arte y  pintamento di cara, careda di douw, careda cu cuchara, street bowling, wega di baseball, wega di basketball, photo booth, bulamento den saco y hopi mas. Tabata tin un programa di entretenimento unda cu tabata tin miembro di club Roslaine Everon y DJ Kash cu anima e atardi aki. Tabata tin presente tambe gruponan di baile Pierewietje y C-Pop Kidz. Tambe Elite K9 Club a duna un presentacion pa e mucha nan y tambe Metabolic Foundation cu wega nan inovativo.  

E aña aki nos a escoge pa hacie na bek na Club Caiquetio un biaha mas mirando e gran exito di añana anterior prome cu Covid. Loke ta special ta cu nos a hacie bek y a conta cu participacion promedio di 300 mucha, y e decoracion tabata hopi unico haci e aña aki door di Ashanti Eustacia di D&D Events cual realmente a haci un bunita trabou pa trece e ambiente di mucha. 

E projecto aki ta esencial pa Rotaract organisa pasobra no ta tur mucha tin e posibilidad di bay un actividad tur ora y paga p’e. Esaki ta un evento na alcanse di tur mucha, un evento cu entrada cu actividadnan gratis, nan ta haña un paspoort pa hunga tur wega gratis y un regalito na final. Rotaract y su sponsor nan ta kere cu e mihor inversion cu bo por haci semper ta den nos muchanan, pasobra nan ta e futuro di mañan. Pues pa Rotaract, pa e muchanan tin e derecho di tempo liber ta un di e derechonan den International Declaration of The Rights of Children UN.

Rotaract kier a gradici e comision organisatorio den persona di Kiara van Trikt, Davienna Koolman, Ivy Lacle, Charelle Felix, Shawn Lopez y Katinka van der Putten tambe tur miembro di Rotaract Club of Aruba, Interact Club of Aruba Schakel College, Interact Club International School, Interact Club Colegio Arubano y Rotary Club of Aruba cu a aporta na e evento. 

Sigur un danki enorme ta bay na tur sponsor cu a sostene e evento aki DeWit & VanDorp, Ennia, Kok Optica, Dyon Center, Grant Thornton, DC Tax Solutions y tur otro sponsors cu a colabora pa haci e evento aki atrobe un otro exito pa nos muchanan.

 

Related posts

Taxistanan na Aruba ta esunnan mas afecta durante Covid 19

EA News Author

Plataforma Hobennan Profesional: Tienda di Ley ta bek!

EA News Author

“IBiSA trahando riba calendario deportivo 2021”

EA News Author

Leave a Comment