ORANJESTAD, Aruba
Partido AVP un biaha mas a yuda su miembronan y Aruba en general cu yenamento di formularionan di Inkomstenbelasting. Robert Candelaria di fraccion di AVP tabata encarga cu e proyecto e aña’ki. Tur persona cu tabatin mester di yudansa pa yena e formularionan di belasting, por a acudi na Cas di Partido AVP.
Candelaria a remarca cu aña pasa a bira otro proyecto satisfactorio mirando cu a surpasa e cifra di hende cu a yuda e aña anterior, ta papiando di riba 700 persona cu a yuda cu nan formularionan. E reaccion tabata asina grandi cu fechanan adicional mester a bin acerca pa asina logra yuda tur esunnan cu a acudi na cas di Partido. Tambe a brinda yudansa pariba di brug na tur cu a haci e peticion aki.
Ta gradici comunidad pa e confiansa un biaha mas deposita den e team di AVP. Un danki grandi na tur e voluntarionan cu a pone nan tempo y conocemento disponibel pa yuda e pueblo. Partido AVP lo sigui traha na bienestar di e pueblo di Aruba.
![Partido Avp A Yuda Hopi Mas Hende E Biaha Aki Pa Yena Nan Papelnan Di Belasting 153 Belasting Robert Candelaria 2](https://www.earubianonews.com/wp-content/uploads/2020/01/Belasting-Robert-Candelaria-2-636x600.jpeg)
![Partido Avp A Yuda Hopi Mas Hende E Biaha Aki Pa Yena Nan Papelnan Di Belasting 154 Belasting Robert Candelaria 3](https://www.earubianonews.com/wp-content/uploads/2020/01/Belasting-Robert-Candelaria-3-800x503.jpeg)
![Partido Avp A Yuda Hopi Mas Hende E Biaha Aki Pa Yena Nan Papelnan Di Belasting 155 Belasting Robert Candelaria 1](https://www.earubianonews.com/wp-content/uploads/2020/01/Belasting-Robert-Candelaria-1-800x600.jpeg)