Ta deber di tur mayor pa ,mantene nan yiu den oracion, mescos cu mayornan ta uni sexualmente, pa produci un yiu, awel responsabilidad, fisico, social, material, y Spiritual tambe ta cuminsa for di eynan.
Yuinan ta un regalo di Dios, un piedra precioso, un cadena di bondad, cu solamente Dios por duna y nan ta exigi bon cuido y amor pa nan por ta bon cuidadano, decente, y yen di respet pa nan mes y pa otronan, y tur esey ta cuminsa na cas.
Nos ta biba den un tempo trabahoso, caminda Bijbel a wordo saca for di scol, y oracion ta schaars, no papia mes di Alabansa, pasobra lo ta hopi bunita si tur school por a habri e aña escolar cu Oracion y Alabansa dunando Dios tur e Gloria pa un aña escolar exitoso, pasobra locual bo sembra bo ta cosecha.
Ningun tas bunita, uniform bunita, keds di marca, no por reemplasa e presencia di Dios, cu cada dia mester aumenta den curason di cada mucha, y tambe na scol, pasobra presencia di Dios ta garantia di pas y sabiduria.
Esaki ta un palabra di Dios pa tur mucha cu lo cuminsa scol den e dianan benidero:
Pasobra Mi sa e plannan cu Mi tin pa boso,Señor ta declara, plannan di pas,y no calamidad, pa duna boso un futuro y un speransa. Anto boso lo sclama na Mi,y bin haci oracion na Mi y lo mi scucha boso, y boso lo buscami y hañami ora boso busca Mi di henter boso curason. ( Jeremias 29:11-13).
Awor con nos yuinan por busca Dios, si nos como mayor no siña nan haci oracion, pasobra un mucha mester sa haci oracion for di e momento cu e trapa su pia for di cas pa bay Speelschool ta ey nan tur cos ta cuminsa, pasobra no ta pornada e palabra di Dios ta bisa pa instrui e mucha for di chiki pa asina ora e ta grandi e no aleha for di caminda di Dios.
E angel di Señor ta campa rond di esnan cu ta tem’E y ta rescata nan.( Salmo 34:7).
Nos mester siña nos yuinan e importancia di Dios den nan bida,pasobra ta Dios ta tur cos.
Ora mayornan pone Dios na prome lugar den nan bida, e muchanan lo mira testimonio di Dios su grandesa y poder, y nan tambe lo sa y reconoce Dios.
Nos tur ta stima nos yuinan y kier tur cos bon pa nan, nos mester haci nan conciente di un bon relacion cu Dios, muchanan cu tin bon relacion cu Dios, ta balora y honra nan mayornan, y tin respet pa nan mes y pa otro nan.
E enemigo cu apoyo di hendenan perverso y inmoral ta jaag tras di muchanan, pesey como mayor ta un necesidad, di siña nos yuinan tocante oracion y ayuno, for di chiki, pasobra e maldad di mundu no ta respeta edad, awel mescos tambe e gracia y misericordia di Dios, no conoce edad pasobra Señor tey pa tur esnan cu ta buske.
Tur mucha mester lesa y compronde esaki:
Awor Jabes a invoca e Dios di Israel , bisando: O cu Abo lo bendiciona mi di berdad, y haci mi teritorio mas grandi, y cu Bo man lo ta cu mi,y cu Abo lo wardami di malo, pa pena no toca mi. Y Dios a dun’e loke cu e a pidi.( 1 Cronicanan 4:10).
No laga pa mayan locual, bo por haci awe, como mayor por favor, no neglisha e bida spiritual di bo yuinan, sea responsabel.