Local

Pastor Marcel Balootje: Dios ta stima tur hende, pero Dios no ta apoya maldad

Pastor

Ora hende tin pensa di haci malo cu otro, of den un of otro forma perhudica otro, sabi cu Dios no ta den e asunto.

Ora un homber/ muher cay den adulterio, of den inmoralidad sexual, sabi cu Dios no ta den e asunto.

Ora un homber no ta cria su yiunan, y ta gasta e placa den bar cu muhernan di bida sabi cu Dios no ta den e asunto.

Ora un yiu ta rebeldia contra su mayornan sabi cu Dios no ta den e asunto.

Laga nos tene bon na cuenta , cu Dios no ta den mentira ni tampoco falsedad, ni redo, ni traicion, Dios no tin nada di haber cu hende orguyoso, cu ta busca nan propio interes so, y cu ta demostra cu arogancia ta nan pan di cada dia, Dios ta bisa den su palabra cu E no ta den e asunto ey.( 1 Pedro 3;10-12).

Laga cada ken cu ta menciona e nomber di Dios aparta nan mes for di maldad.

Laga cada ken cu menciona e nomber di Dios, biba na pas cu nan prohimo, y aparta nan mes for di tur scuridad y bagamunderia.

Dios ta santo, puro y Todopoderoso y no ta mescla Su mes cu inhusticia, caminda tin mentira, constantemente Dios su presencia no tey.

Tene bon na cuenta y tuma ehempel di esaki: Rey David tabata un homber cu Dios a yuda, Dios a stima David, den tur su problema, bataya y prueba Dios a yude.

Pero un dia David a dicidi di cu e ta bay mete cu muher di otro hende.

Den corto bisa David a haci lo siguiente:

E a drumi cu Betsabe, e a laga mata Betsabe su casa , kende tabata su bon amigo, y mas cu esey tabata un di su capitan di guerra , e homber Urias, y David a a pensa cu tur cos ta keda scondi, pero Dios no ta den e asuntonan ey.( 2 samuel 11).

Dios no ta apoya inmoralidad, malicia, y impuresa.

Hende tin cu realisa den nan bida cu caminda di Dios ta caminda di santidad, puresa integridad, pasobra ningun hnde por ta integro si su curason no tin Dios , no ta existi integridad falso, of integridad politico, ta solamente un sorto di integridad ta existi, cu nos ta arepenti y aparta for di maldad , y biba pa Señor. Dios tin e prioridad den nos bida,

Ma awor boso tambe mester pone tur esakinan un banda, rabia, furia,malisia,calumnia,y palabra sushi,for di boso boca, no gaña otro como cu boso a pone un banda e homber bieu,cu su practicanan malbado.( Colosensenan 3:8+9).

Si un hende tin un ofishi den cual e mester gaña of cambia palabra, of rebaha hende pa e mantene su trabao, anto e trabao ey no ta bini di Dios, pasobra mihor nos ta simple y humilde y drenta cielo, cu nos ta orguyoso, arogante y cu mal consenshi, cual ta e cos cu ta hiba nos fierno si nos no arepenti y busca Dios.

Dios ta stima tur hende , pero Dios no ta apoya maldad, inmoralidad, arogansa, capricho, ora nos tin un decision pa nos tuma, ta bon pa nos pensa riba Dios prome, no wak cu hende lo keda contento cu nos , pasobra a yega tempo di stop di biba pa hende y biba pa Dios, pasobra na final tur hende mester duna cuenta na Dios.

No laga ningun palabra dañino sali for di boso boca, no ofende y perhudica otro.

Related posts

Minister di turismo a reuni cu ATA, APA, Monumenten Bureau y DOW pa e proyecto di ex edificio di DOW

EA News Author

Preparacion pa crisis den e partinan Caribense di Reino

EA News Author

Crucial pa esun cu tuma e reto: Pais Aruba y sigur husticia mester ta un prioridad

EA News Author

1 comment

Leave a Comment

Whatsapp Message