Local

Pastor Marcel Balootje: Duna senjor bo Dios control completo di bo bida


Esey ta nifica Fe, ora bo por confia tur cos den Su man, ora bo por depende 100% riba Dios, ora bo confiansa no ta move, ni tampoco bo ta wordo atrae pa cosnan temporal, pero bo bista ta permanece riba Dios nos Creador, pasobra ta den Senjor tur bo forsa, resistencia, y refugio ta .

Y lo bo tin victoria pasobra bendiciona ta esnan cu ta spera den Senjor. Palabra di Dios ta bisa: Lo bo  warda den pas perfecto esun cu su pensamento ta permanece den Bo, pasobra e a confia den Bo.

Confia den Señor pa semper,pasobra den Dios e Señor, nos tin un Baranca eterno.( Isaias 26:3+4)

Tene cuenta cu Abraham a confia Dios y Dios a dune victoria.

Sadrac , Mesac, y Abednego a confia Dios y pasa den Candela y sali victorioso.

Daniel a wordo tira den cueba di Leon y a sali vicorioso.

Rey Ezequias a confia Dios y su pais a wordo salba.

Elias a confia Dios y a baha candela for di cielo.

Pedro a obedece Señor su bos y a cana riba lama.

Hesus Cristo a haci tur cos y pasa sufrimento den obedencia na su Tata, y awe  tur rudia mester dobla y tur lenga mester confesa cu Hesus Cristo ta Señor pa Gloria di Dios Tata. 

Nos no por biba pa hende, ni tampoco pone confiansa den material, y lubida cu Dios ta mesun Dios di awe, ayera y pa semper.

No laga e mundo bira un atraccion pa bo, pero mantene bo Alabansa, y bo Oracion firme na Dios.

Un hende cu entrega tur cos na Dios, no tin envidia di otro hende, ni tampoco por desea otro hende malo, pasobra e tin temor di Dios, y e sa cu locual Dios tin pe , ta bon y lo yega na tempo.

Nos ta sirbi un Dios Todopoderoso, den ken no tin ningun fayo, Dios ta puro , Santo y berdadero, y pesey nos por depende riba Dios, tur momento pasobra E ta presente, su poder ta manifesta den tur cos , y Dios tin Dominio riba tur cos.

No ta Ami a ordena bo? Sea fuerte y tene curashi.No tembla no desmaya, pasobra Señor bo Dios ta cu bo unda cu bo bay.( Josue 1:9).

Ta un beneficio pa entrega tur control di bo bida den man di Dios, pasobra e lo duna bo un bida nobo, yuda bo pasa den tur prueba, y duna bo e victoria.

Hende no mester lubida cu Dios ta nos Provision y nos Proteccion.Y nos sa cu Dios ta haci tur cos obra hunto pa bon, pa esnan cu ta stima Dios,pa esnan cu ta yama segun Su proposito (Romanos 8:28)

Stop di kibra cabes, y depende riba palabra di hende, pone bo Fe den Dios y sigi padilanti, Dios Todopoderoso lo cumpli,pasobra Dios a bisa cu cielo y tera lo pasa pero su palabra lo permanece.

Hamas lo E laga e husto desampara, ora bo ta busca fieldad, amor y pas bo tin cu bati na porta di Dios, pasobra ta Dios ta nos escudo y fortaleza y nos pronto auxilio den tempo di angustia.

Confia den Señor y wordo bendiciona, abo bo cas, y bo Famia, mantene bo Fe den Dios, Confia den Dios, permanece riba e Baranca di bida cual ta Cristo Hesus.

Ora bo confiansa ta den Dios, ta ganashi so bo tin, pasobra bo forsa ta bini di ariba, y bo victoria ta segura.

Related posts

Lista di espera di Bureau Sostenemi y Directie Voogdijraad a reduci significantemente segun ultimo raportahe di Sociaal Crisis Plan

EA News Author

Grupo Di Huesped A Rescata Un Damita Cu No Tabata Duna Señal Di Bida Den Piscina Na Marriott

EA News Author

Thaïs Franken orador den conferencia internacional na Escocia

EA News Author

Leave a Comment