Local

Pastor Marcel Balootje: E comunicacion entre mayor y yiu


Comunicacion entre y mayor y yiu ta trece comprondemento, confiansa y respet.

Durante e temporada di Covid,comunicacion tabata dificil, hopi hende cu miedo di yega serca otro, nos no por lubida, con nos mester a mantene distancia, shelter in place, toque de queda, laba man , etc,

Un temporado di separacion personal cu , hende den quarentena, y hopi famia separa.

Pero awor e tempo a pasa, y nos tur ta mirando dia pa dia con e comunicacion entre mayot y yiu ta bay atras , tin un falta di comunicacion grandi den famia.

No ta facil ora un mayor perde comunicacion personal cu su yiu, ora asunto yega asina leu cu mayor y yiu no ta papia cu otro, no ta importa si e yiu ta menor, mayor,of casa y ta biba riba su mes, tur falta di comunicacion  entre mayor y yiu ta doloroso.

Un parti nan mas importante den nos bida ta nos cuminicacion, y aunke tin asina tanto medio pa cuminica cu otro, e comunicacion personal ta esun mas importante.( Proverbiona 19:20)

Bo por regala bo yiu tur tipo di telefon, tur tipo di laptop, pero bo mester tin comunicacion personal cu bo yiu, comunicacion via app, whatsup y messenger,no ta efectivo,manera ora bo sinta papia cu bo yiu.

Pesey mas lihe nos logra resolve cualkier, confrontacion, of hasta pleito cu nos yiunan, ta cumbini tur dos banda, y no laga nos orguyo domina nos.

E relacion familiar entre mayor y yiu ta algo cu nos mester balora constantemente, conserva  y mantene den oracion.

Un relacion kibra entre mayor y yiu ta produci rebeldia serca e mucha, y dolor  pa e mayor, pasobra e mayor ta responsabel pa busca tur manera pa drecha e relacion, pa splica e yiu cu no ta bon pa entre mayor cu yiu tin confrontacion, pasobra amor mester prevalece.

Si tin un cos cu nos mester pone atencion na dje ta esaki , nos tin cu stop di tira bista pafo di cas y cuminda drecha nos relacion familiar den cas. 

Pasobra ora nos ta  tarda pa pordona ,tarda pa arepenti, tarda pa coregi, nos ta demostra cu nos como mayor  tin falta di amor y responsabilidad, pasobra  nos ta tarda pa cumpli cu nos deber sagrado (Efesionan 6:4).

Un trampa masha conoci cu diabel ta usa cu hobennan ta di hinca den nan cabes cu nan mayornan no ta stima nan, pesey nos como mayor mester ta masha atento pa no laga ningun porta habri pa e enemigo por drenta.( Salmo 133)

Y Dios den su inmenso amor ta mustra nos con nos mester stima.1 Juan 4:20 : Si un hende ta bisa e ta stima Dios y e ta odia su ruman e ta un gañado, pasobra esun cu no ta stima su ruman cu e a mira,no por stima Dios , kende e no a mira.

E atencion cu nos mester pone pa nos yuinan , no ta pa  malcria nan, pero pa evita cu e enemigo ta horta nan for di nos den nos mes cas, pa motibo di nos negligencia como mayor y nos falta di comunicacion.

Evita di interoga bo yiu, y cuminsa dialoga cu bo yiu, lage e particpa activamente den tur cos cu bo ta haci, y asina tambe boso por haci oracion hunto, pasobra como mayor abo ta prome yama pa duna bo yiu formacion spiritual, y bon ehempel..

Related posts

Scirbi pa Pastor Marcel Balootje RENOBACION DI NOS MENTE Y PURIFICACION DI NOS CONSENSHI

EA News Author

Mucha di tres aña a perde su bida durante un dia familiar na beach

EA News Author

Parlamentario Endy Croes: Pregunta habierto na Ministerio Publico

EA News Author

Leave a Comment