Local

Pastor Marcel Balootje: Hende no mester provoca Dios

Pastor

Pesey cuidao rumannan,pa no tin, den ningun di boso, un curason malbado, y incredulo, door di aleha for di e Dios bibo. Ma encurasha otro dia tras dia,tanten cu por papia di “Awe” ainda.

Pa ningun di boso no wordo enduresi ( haci curason duro) pa e engaño di pica. Pasobra nos a bira partisipante di Cristo, si nos tene firme na e principio di siguransa te na fin, miemtras cu ta wordo bisa;

*** Awe si boso tende su bos no haci boso curason duro, manera tempo cu nan a provoca Mi.( Hebreonan 3:12-15).

*** Manera Mi a hura den mi furia. Nan lo no drenta den mi sosiego.( Hebreonan 3:11)

Cuanto tempo mas lo dura prome cu hende por compronde cu ta peligroso pa provoca Dios, pasobra esey ta hiba na destruccion.

Den e tempo di Moises tabatin mas di 2 miyon Israelita den desierto huntu cu Moises despues cu Dios a habri Laman Cora pa nan por a crusa y yega na e tera di Canaan.

Kende nan tabata mira Dios su bondad tur dia, pero toch tabata murmura,y rebeldia, y Dios a bisa cu esnan cu ta haci esey lo no drenta e tera priminti.(Numbernan 14:26-29).

** Awendia despues di siglonan mesun cos a sigi tuma lugar, hende a sigi murmura, sigi cu nan incredulidad, sigi cu nan rebeldia, murmuracion y abominacion provocando Dios,

** No lubida cu Dios a manda su yiu unigenito, pa ken cu kere den dj’E no bay perdi ma haña bida eterna, pero toch tin hende cu keto bay ta rechasa e plan di salbacion pa nan bida.

** Y mas tristo ta tin hende cu ta menciona e nomber di Dios, pero cu nan pensamento y nan rebeldia,murmuracion, falta di agradecimiento y cu no ta kere y mara na tradicion di idolatria ta limita Dios.

Hendenan cu ta identifica nan mes manera terorista contra Dios, si manera terorista spiritual cu kier pone tur principio di Dios un banda y biba manera na kier.

Doloroso ta pa mira hende,rond mundo haci nan curason duro, busca tur aporte pa cambia ley y asina provoca Dios cu pica y abominacion. 

Nan ta haci tur locual ta posibel pa bay contra e Palabra, Principio, y boluntad di Dios.( Romanonan 1:18-32).

Awor nos ta bini bek riba nos hogar y nos famia, ta masha peligroso ora den nos cas, nos ta provoca Dios, cu incredulidad,idolatria, santeria y bruheria. No lubida cu un yiu rebelde contra su mayor tambe  ta provoca Dios.

*** Y tur esnan cu kier usa Dios temporalmente, pasobra ora nan ta pasando den un dificultad financiero of malesa e nomber di Dios, ta wordo menciona tur dia, pero asina cu Dios saca man y yuda nan e nomber di Dios ta wordo lubida

Hende mester compronde cu ora nos ta biba den pica, murmuracion y rebeldia constantemente e Spirito di Dios ta aleha for di nos, Dios ta bay nos dilanti, y ta nos deber di sigi Dios, pasobra nos tin mester di Dios. Pero ora orguyo, duresa di curason y falta di pordon ta persisti den nos bida nos ta provoca Dios.

Pa falta di pordon y mantene odio contra otro, nos ta provoca Dios, pasobra e palabra di Dios ta bisa den Mateo 6:14-15 cu si nos no pordona nos prohimo, Dios tampoco ta pordona nos.

E binida di Cristo Hesus lo ta manera un ladron den anochi, pesey nos mester stop di provoca Dios, pone tur rebeldia un banda, y awe habri nos curason y invita Cristo pa goberna nos bida, nos cas y nos famia.

Related posts

Ta tempo pa pone tur nos confiansa y depende riba DIOS

EA News Author

Na momento cu un persona keda sentencia door di hues e ta keda registra den su VOG

EA News Author

Tur ambtenaar y semi-ambtenaar lo ricibi nan 5 % di salario bek

EA News Author

1 comment

Pastor Marcel Balootje: Hende no mester provoca Dios - Notisia 365 July 16, 2023 at 7:07 am

[…] Source link […]

Reply

Leave a Comment

Whatsapp Message