Si acaso bo tin cu perde un amistad, pa bo keda bon cu Dios, laga e amistad bay pasobra nunca e tabata berdadero, un bon amistad nunca ta pone bo bay contra e Palabra y Boluntad di Dios.
Pesey ta para scirbi den Romanonan 12:2: No sea conforme e mundo aki, ma sea transforma pa medio di e renobamento di boso mente,pa boso por comproba kico ta e bon,y agradabel y perfecto bolantad di Dios.
No laga ningun di di boso planta maldad contra otro den boso curason, y no stima huramento falso,pasobra tur esakinan ta cosnan cu mi ta odia, Senjor ta declara. ( Zacarias 8:17).
Ma si boso tin envidia amargo y egoismo den boso curason, no sea arogante, y asina ganja contra e berdad. E sabiduria aki no ta esun cu ta baha bini for di ariba,ma e ta terenal, natural ,diabolico. Pasobra caminda ta existi envidia y egoismo, tin desordo y tur sorto di cos malo. ( Santiago of Jacobo 3:14-16).
Especialmente na nos hobennan : Si bo tin amigo of amiga cu kier pa bo sconde maldad pe, hala leu for di e amistad ey y gara na Cristo Hesus, y no laga ningun hende manipula bo.
No laga ningun hende pone bo rebeldia contra bo mayornan, balora bo mes y honra bo mayornan, pasobra esey ta boluntad di Dios, para firme den Senjor, resisti tur plan di e malbado cu kier hiba bo den scuridad.
Ta pa libertad Cristo a haci nos liber, pesey keda para firme, y no sea someti atrobe na un yugo di sclavitud.( Galationan 5:1).
Si Dios a libra bo di mal amistad, droga, alcohol, adulterio, prostitucion .of bida di pasion baho, please keda leu for di e cosnan ey y no wordo enganja pa placa y otro atraccion carnal.
Pasobra ningun amistad por reemplasa e amor di Cristo Hesus den nos bida.
Pesey sali for di meymey di nan y separa boso mes,Senjor ta bisa, y no mishi cu loke ta impuro, y lo Mi ricibi boso.
Y lo mi ta un Tata pa boso, y boso lo ta yiu hombernan y yiu muhernan pa Mi, e Senjor Todopoderoso ta bisa.( 2 Corintionan 6:17-18).
Pesey como cu awor nos tin e promesa nan aki, laga nos purifica nos mes di tur impuresa di carni y spirito, y asina perfeciona nos santidad den e temor di Dios.( 2 Corintionan 7:1).
E spirito di manipulacion ta pasando rond, na cas, na trabao, riba caya y hasta ta trata di drenta cas di Dios, pasobra e spirito di manipulacion ta usa esnan cu ta habri porta pa e drenta, pesey nos no mester habri porta pa e enemigo den ningun caso. E spirito di manipulacion ta disfrasa na tur cos, pa e trece su scuridad y maldad den bida di hende.
Efesionan 6:10 ta bisa: Finalmente sea fuerte den Senjor, y den e forsa di su Poder. Ta solamete den Senjor nos por ta fuerte, nos no por depende riba hende,pasobra nos lucha no ta contra carni y sanger.
Ta den Senjor nos tin di confia tur dia, pasobra Senjor tey tur momento pa nos, caminda hende por cansa e brasanan di Senjor tey pa nos.
Pesey nos mester tene cuenta cu e bida spiritual den nos hogar, pasobra eynan tur cos ta cuminsa , con nos ta disiplina, educa, y coregi nos yuinan den Senjor.
Josue a bisa, ma pa loke ta ami y mi cas nos lo sirbi Senjor.( Josue 24:15).
Ta tempo pa para frme, no laga hende desvia bo, stima bo Dios.