Local

Pastor Marcel Balootje: Pone bo fe y confiansa solamente den Dios

Pastor

Ora un hende priminti algo y despues haci otro, of e persona bisa algo y despues e ta ninga cu e a bisa asina, ta un les pa tur esnan cu a bay su tras, pasobra pa un momento of temporada, nan a kita nan bista for di riba Dios  y bay tras di palabra di hende.

Palabra di hende ta mara na condicion di mundo , Palabra di Dios ta eterno,, cielo y tera lo pasa ma Dios su palabra lo no pasa.

Un di e mentira nan di mas grandi cu a afecta mundo ta cu hende por kere den locual cu nan kier, y asina esey a pone cu hopi no ta kere den Dios y no tin fe den Dios, y awor hasta tin ta cana rond pidiendo un prueba cu Dios ta existi, y pa falta di conocemento nan no sa cu e prueba ta den nan mes.

Bo kier sa cu Dios ta existi, awel bo tin di reconoce cu bo ta na bida, pasobra hende no ta na bida pasobra nan curazon ta bati y nan ta bon di salud, bo ta na bida pasobra Dios a pone su rosea den bo, bo rosea no ta bini di un machine sino e ta bini directamente di Dios. Si Dios kita su rosea for di bo anto tur cos ta stop di funciona, bo por tin bon tipo of bo ta bunita , una bes Dios corta bo rosea , tur fiesta a caba.

Otro pregunta ta : Den ken bo tin Fe?, Pasobra hende mester tin Fe solamente den Dios, tene bon cuenta cu bo no por pone bo Fe den hende, pasobra esey lo bira idolatria y Dios a bisa pa nos stima Dios riba tur cos, nos no por tin nada den nos bida, cu nos ta pone mas halto cu Dios.

Como mayor bo tin di dirigi bo yuinan na Dios, pasobra abo tambe ta depende di Dios.Henter bo hogar mester ta altura di e grandesa di Dios riba tur cos. Tur alabansa ,Fe y oracion mester wordo dirigi na Dios, pa asina tur hende lo prospera.

Palabra di Dios ta bisa den Hebreonan capitulo 11 vers 6 : Y sin Fe ta imposibel agrada Dios, pasobra esun cu ta bini serca Dios, mester kere cu E ta Esun cu ta recompensa esnan cu ta busk’E.

Ta solamente den Dios nos por pone nos Fe, y den nada mas, tur otro cos, tin fecha di vencemento, solamente Dios ta eterno.

Si bo kier un hende yudabo, bo tin di haci oracion pe pa asina Dios yude pa e por yuda bo pasobra e hende no ta Dios, pesey esposa/ esposo mester haci oracion pa otro,pa asina comprondemento, tolerancia, pasenshi y felicidad reina den cas y asina boso  yuinan por mira bon ehempel, pasobra boso ta sirbi Dios.

Na e fiesta di casamento na Canaan, Maria a bisa e sirbidonan ora biña caba: Hasi tur locual Hesus ta bisa boso, pasobra e tabata sa ken Hesus ta , e ta su mama y e sa ken e a carga den su barica, e tabata sa cu e mucha ey ta Salbador di henter mundo,(Lucas 1:31-33) y cu tur hende mester obedece locual Hesus ta bisa, no solamente na e fiesta pero pa henter nos bida.

Ta solamente den Dios , nos por pone Fe y confiansa, pasobra e ta Todopoderoso.Dios no ta cambia, E tey pa semper.

Related posts

Aruba Tourism Authority ta Lansa di Dos Temporada di “A.T.A. Talks About”

EA News Author

Artista hoben local Dennis Angelino ta lansa su cantica ‘Namora’

EA News Author

Minister Endy Croes: A comparti ideanan pa un posibel museo di deporte

EA News Author

Leave a Comment

Whatsapp Message