Local

Pastor Marcel Balootje: Proteccion di Dios pa nos hogar y famia.


Ta para scirbi cu proteccion pa nos hogar y famia ta bini directamente di Dios, pasobra solamente Dios por vence e forsanan di maldad cu kier ataca hogar y famia, solamente Dios por traha un cura di proteccion  rond di su yiunan (Job 1:10).

Salmo 127:1 ta bisa: Si Señor no traha e cas ta envano esnan cu ta trahe ta cansa curpa.

Si Dios no ta den algo, ni maske ayudo y apoyo di hende nos busca e ta keda algo terenal, pasobra Dios no ta apoye, y e no ta keda para, pasobra tur locual nos haci mester ta boluntad di Dios, pa asina e haña Dios su aprobacion.

Pesey ora nos ta lanta nos yuinan, nos mester lanta nan den Señor , pasobra asina nan tin aprobacion di Dios riba nan bida den tur locual cu nan ta haci. Pasobra nos mester pone nan bao di cuido y proteccion di Dios.

Pa na prome lugar nan lanta cu temor di Dios den nan bida, y no kere cu nan por haci bofon di Dios. Den e forma cu maldad ta aumenta y ta disfrasa, cu hende a bira ta mira material, y poder mas importante cu Dios, nos tin tene cuenta cu nos ta complace cu hende y perhudica nos hogar y nos famia.

Pesey nos bida di oracion mester ta constant, firme un bida dedica, pa asina nos por enfrenta e flecha nan di e enemigo, pasobra nos lucha no ta contra carni y sanger.

Ora nos ripara cuanto maldad tin mey mey di nos nos tin di corda riba Mateo 13: 36-43 caminda Hesus ta splika tocante di e yerba shimaron y e bon simia, y tambe locual Hesus ta bisa nos pa nos haci.

Wak cuanto malesa ta sali na cla, wak cuanto virus ta wordo inventa, wak cuanto hende ta rechasa palabra di Dios,, esey ta mustra nos e tempo cu nos ta biba den dje ( 2 Timoteo 3:1-9).

Awendia hende por smile cuanto cu nan kier, pero nan sa bon, bon cu nan ta haci malo, pesey Hesus a bisa haci oracion pa nos no cay den tentacion ( Lucas 22:40).

Pesey David a bisa den Salmo 121 :1 Mi ta halsa mi wowo na e seronan for di unda mi yudansa lo bini , mi yudansa ta bini di Señor kende a traha cielo y tera.

A keda proba cu e enemigo ta lanta fuerte contra tur locual ta famia y hogar, treciendo tur tipo di atake, tur sorto di trampa, sembrando e yerba shimaron tur caminda, y awor nos ta mira e existencia mas cla cu nunca.

Pesey e formacion di nos yuinan awor ta mas importante cu nunca, pasobra maldad kier domina, y e ta busca aprobacion di hende pe por wordo fortifica, pasobra Dios no ta apoya maldad.Dios ta santo.

Ta bon pa nos siña nos yuinan cu no ta tur locual hende ta aproba, Dios ta aproba, pasobra yerba shimaron ta crece hunto cu  maishi, pero na su fruta bo ta conoce.

Isaias capitulo 5:20 ta bisa: Ay di esnan cu ta yama loke ta malo,bon y loke ta bon, malo.Loke ta scuridad, lus, y loke ta lus scuridad, loke ta marga dushi, y loke ta dushi, marga.

Ay di esnan cu ta hustifica maldad, pasobra tur locual hende sembra nan lo cosecha, y tur hende mester duna cuenta dilanti Dios.

A yega e momento cu nos mester pidi proteccion di Dios.( Isaias 41:10)

Related posts

Homber deteni na aeropuerto sospecha di a viola un menor

EA News Author

Ricardo Croes (RED) Tarifa di WEB no ta husto

EA News Author

AHATA ta introduci norma nobo pa higiena

EA News Author

Leave a Comment