For di principio nos tur sa cu plan di satanas ta, pa hende rebeldia contra Dios .( Genesis 3).
Y no tin nada mas tristo den e tempo cu nos ta bibando aden cu hende cu ta ignora e palabra di Dios , pa nan sigi biba den nan pica y bagamunderia.
E palabra di Dios ta bisa lo siguiente: Ma nan a rebeldia y haci Su Spirito Santo tristo, pesey pa nan E a cambia bira nan enemigo. E a bringa cu nan.( Isaias 63:10).
Un di e formanan cu ta demostra na hende cu Dios no ta contento cu actuacion di hende ta cu Dios ta bira su cara for di nan ( Salmo 34:16)
Ora hende ta rebelde Dios ta bira su cara, y esey a sosode den desierto ora hopi hende a muri hunto cu Moises pa motibo di rebeldia y murmuracion .( Numbernan 14:11-12).
Awendia maldad ta aumenta riba mundo pa motibo di rebeldia.
Y hopi biaha nos no ta kere, pero nos ta pensa cu si un orkaan pasa riba un pais e ta destrui un pais, pero rebeldia , murmuracion y inmoralidad ta destrui un pais.
E violencia cu tin rond mundo , si bo sinta analisa, bo ta bin realisa cu ta rebeldia y inmoralidad den e pueblo. Pasobra rebeldia ta causante di guerra, paisnan cu ta bringa contra otro, ta rechasa Dios, pa nan cuminsa cu nan matansa.
Por ehempel , ta masha poco scol tin aki na Aruba caminda Bijbel ta wordo habri y lesa tur dia, pasobra hende ta ignora e palabra di Dios, ta pesey muchanan ta cay den violencia y crimen for di chiki, pa falta di conocemento y temor di Dios.
Ora nos kier midi nos mes cu e paisnan grandi nos mester tambe midi nan nivel di rechaso na Dios, gara na placa y inmoralidad, pasa leynan contra e principionan di Dios y locual nan ta cosechando awor.
Riba e mundo aki Dios a traha dos genero, homber y muher, y tur locual ta desviacion, of nombernan cientifico cu hende a traha pa indentifica nan mes, ta den rebeldia contra Dios.
Nos por haci kico cu nos kier , pero e berdad mester wordo bisa manera e cos ta, pasobra e nubia di scuridad cu diabel kier expande riba e mundo aki a daña mente di hopi hende.
Salmo 107:11 ta bisa: Pasobra nan a rebeldia contra e palabranan di Dios, y a despresia e conseho di e altisimo.
*** Romanonan 1:24-25 ta para scirbi: Pesey tambe Dios a entrega nan na impuresa, den e pasionnan di nan curason, pa nan cu nan deshonra nan mes curpa. Pasobra nan a cambia e berdad di Dios pa un mentira y a adora e criatura enbes di e Creador, kende ta bendiciona pa semper.
**** Tene bon cuenta te na unda rebeldia contra Dios por hiba hende y lanta bo yuinan den Señor.
*** Pa e motibo aki Dios a entrega nan na pasionnan bergonsoso, pasobra nan muhernan a cambia nan funcion pa loke ta contra naturalesa.
*** Y di mesun manera tambe e hombernan , a bandona e funcion natural di muhe, y a kima den nan pasion un pa otro, homber cu homber a comete actonan indecente y ta ricibi den nan mes persona e castigo mereci pa nan eror (Romanonan 1: 26-27) .
Pesey somete boso mes na Dios, resisti e diabel y e lo bay for di boso.( Santiago 4:7).
Dios ta stima e mundo completo y e manda salbacion pa nos tur ( Juan 3;16-17).