Local

Pastor Marcel Balootje: Tene cuenta cu e cosnan cu Dios ta odia


Nos ta bibando den un mundo caminda hende kier haci cos manera ta cumbini nan y pone Dios su Palabra un banda.

Hasta tin hende cu ta kere nan ta dicidi si nan  ta aplica Palabra di Dios scirbi den Testament bieu den nan bida of esun di Testament nobo.

Pero Dios no a cambia, e ta mesun Dios dia ayera, awe y semper, tanto den momento di coreccion, como momento di bendicion.

 

Cristo Hesus a bisa ami y mi Tata ta uno, kier men cu ta e mesun Tata cu nos conoce den Testament bieu, ta E ta esun cu Hesus tabata consulta cune prome cu e haci tur cos( Juan Capitulo 11: 41+42).

Y e Spirito Santo tabata tey semper for di cuminsamento (Genesis 1: 2) y den ( Genesis 1 :26) Dios a bisa laga Nos traha hende, segun Nos imagen y segun Nos semehansa.

Den tur bijbel e ta para scirbi mesun cos.Traduccion por varia, pero palabra no por cambia.

 

Awor hopi biaha nos ta tende hende ta papia bisando cu e enemigo ataca nan, pero bijbel ta avisa nos den Proverbionan 6;16-19 ta para scirbi cu tin seis cos cu Dios ta odia:

Tin seis cos cu Dios ta odia, si siete cos cu ta abominacion pa Dios.

 

Wowona altanero ( Hende Orguyoso,Arogante, cu ta sinti nan mes mas cu otro hende, cu ta discrimina,rasista)

 

Un lenga mentiroso

 

Mannan  cu ta drama sanger inocente.

 

Un curazon cu ta plania maldad.

 

Pianan cu ta lihe pa corre haci maldad.

 

Un testigo falso cu ta papia mentira.

 

Y esun cu ta sembra desunion entre rumannan.

 

Dicon Dios ta odia nan?

 

Pasobra e seis cosnan aki ta habri porta pa e enemigo drenta den bida di hende, den famia, den iglesia, den misa, den tempel, den salon, den organisacion, den fundacion, den gobierno, den deporte , y den un palabra bisa caminda un di e cosnan aki ta presente, e presencia di e enemigo tey y corda cu e enemigo a bini pa horta mata y destrui ( Juan 10:10).

 

Si bo laga bo porta di cas habri y cu hopi cos sushi pa dianan largo den cushina y un kakalaka drenta, bo no por bisa cu e kakalaka a atacabo, sino abo mes cu actitud iresponsabel a invita un kakalaka bin paden.

 

Asina ta nos bida Spiritual, hopi biaha nos kier victoria, miemtras cu nos ta participa den cosnan cu ta trece derota, hopi biaha nos ta papia contra e palabra di Dios y nos ta spera bendicion, hopi biaha nos ta desea nos ruman malo, y nos ta spera cos bon bin pa nos.

 

Cuanto hende no ta haci oracion y murmura bisando cu nan tin hopi tempo ta warda riba Dios, y sin ripara cuanto tempo Dios tin ta warda riba nan, pa arepenti y aleha for di cos cu Dios ta odia.

 

E palabra di Dios ta bisa den Mateo 24:10-13 cu esun cu perservera ta na fin esey lo ta salba, nos no tin di fria, y bisa cu Cristo ta bini pronto, pasobra e evangelio di reino mester wordo predica den henter mundo. 

Y cual ta e evangelio di reino? E evangelio di reino ta: Cu nos mester predica contra pica (Juan 3:20), pa asina trece hende na arepentimento, bautisa y disipula hende pa Señor, y den nomber di Cristo Hesus saca demonio y sana enfermo ( Marca capitulo 16:15-18).

 

Nos mester aleha for di e cosnan cu Dios ta odia.

Related posts

Concurso di Pinta & Kleur: Kids corner na do it center shaba

EA News Author

Martin Kelly : Importante den tur e proceso aki ta cu Eagle LNG mes ta produci LNG y no ta manera GasUni cu lo ta un re-bendedo

EA News Author

Minister Xiomara Maduro : Kere semper den bo mes y corda cu den tur cos menos bon cu pasa tin algo positivo

EA News Author

Leave a Comment