Local

Pastor Marcel Balootje: Tur mayor tin e deber di guia nan yiu riba e caminda di senjor

Pastor

Ni maske cuanto equipo y auto nobo cuerpo policial haña, ni maske cuanto camara wordo instala na cada skina di caya of edificio halto. 

Nada di esey no ta kita for di deber sagrado cu cada mayor tin pa lanta yuinan, drechi, decente, cu moral y etica hopi halto, pasobra educacion ta cuminsa na cas..

Muchanan guia den caminda di Senjor cu tin temor di Dios, y cu ta aleha for di maldad.

Muchanan mester wordo guia den caminda di Dios, tur locual ta castigo hubenil , ta yega laat pasobra e daño a wordo haci caba, nos mester bira serio bek y cuminsa coregi y disiplina nos yuinan, pasobra e dolor y berguensa semper ta bin bek pa e mayornan.

Lo tabata hopi bon si por a duna mayornan un boet ora un mucha bao di 18 anja wordo hanja riba caya despues di diesdosor di anochi, sea e ta burachi, e a bringa, e ta coriendo auto di su mayor, cu permiso di e mayor, y e mayor ta bon na altura, cu e mucha no tin rijbewijs, e mayor mester haña boet hopi halto, pa asina nos bin bek na e norma y balor, y respet pa Ley.

Ora un mayor no ta disiplina su yiu, mester tin ley vigente, cu e mayor lo sinti den su saco, su negligencia y su falta di atencion.(Proverbionan 19:18).

Mayor su deber social ta:

Zorg pa cuido medico, cas,educacion, paña y cuminda pa su yuinan, diberticion sano ,cuido di emocion ( no provoca boso yuinan na rabia) ,cuido di nan fisico .Proteha nan for di tur tipo di abuso.

Mayor su deber spiritual cu su yiu ta;

*** Haci oracion pa su yiu constantemente.

*** Siña bo yiu e caminda di Dios, especialmente siña bo yiu haci oracion y tene ayuno.

*** Sea un ehempel bibo di e amor di Cristo pa bo yuinan, tanto na cas como riba caya.

*** Displina bo yuinan na e mes manera cu Cristo a disiplina abo.

Un mayor mester ta na altura di e necesidad di e palabra di Dios den bida di su yiu.

Ta deber di e mayor pa presenta e plan di salbacion na su yiu, pa e mucha sa for di chikito cu Cristo Hesus ta e unico caminda di berdad y bida, y asina e lanta cu un identidad berdadero, dependiendo riba Cristo na tur momento.

Awor mas cu nunca nos yuinan mester ta na haltura di e maldad cu creciendo y con evita pa cay den trampa di diabel, inmoralidad y mentira bergonsoso cu kier hasta cambia creacion di Dios.

Cu nan mester ta alerta pasobra e binida di Cristo Hesus ta cerca, cu Cristo lo bini manera un ladron den anochi, y cu e ora y e dia ningun hende no sa, pero si nos mester perservera den e caminda di Señor te ora cu E bini.

Tur e hechonan di scuridad y abominacion cu ta tumando lugar, tur e cambio di clima, tur e manifestacion di e enemigo, tur aceptacion di maldad,violencia matamento y cambio di ley , ta indica nos claramente manera ta para scirbi den Mateo capitulo 24, señalnan di fin.

Ta para scirbi den 2 Pedro 3:7: Ma e cielo y tera actual pa medio di Su palabra ta wordo reserva pa candela, warda pa e dia di huico y destruccion di hendenan impio ( Malbado).

Un mayor cu ta na altura di esaki y cu ta stima su yiu, lo guia su yiu den caminda di Señor.

Awor mas cu nunca nos hubentud mester di Dios.

Related posts

Nos mester keda proteha loke ta di nos y ta orguyoso cu nos ta un pais den Caribe

EA News Author

Lider di POR Alan Howell : Si tin hende ta verwacht cu mi ta bay boycott Gobierno pa ta rencoroso y laga ciudadanonan cu hamber, nan ta hopi robes

EA News Author

A.T.A.: Ta conduci encuesta pa midi expectativa y sentimento di bishitantenan

EA News Author

1 comment

Leave a Comment

Whatsapp Message