Djaluna 24 di aprel proksimo trabou nan di renobashon lo bai kuminsa na e parti suit di e waf di Sorobon. E parti suit di e waf lo wordu sera pa aproksimadamente 6 pa 7 siman pa e trabou nan por tuma luga. E trabou nan lo bai tuma luga entre 7’or di mainta te ku 5’or di atardi.
Piskabon ta hasi un yamada na tur piskado i tambe tur usuario di e waf pa ban duna un man i tene kuenta ku e trabou nan i e espacio ku ta bai ta limita durante di e periodo ku e trabou nan di renobashon lo bai tuma luga.
Na mes momentu Piskabon ker a yama un danki na gobiernu di Boneiru y un danki special na Stinapa pa e yudansa ku e parti di preparashon pa krea espacio alternativo pa algun boto. Piskabon ta apresia e koperashon di semper.