Gobierno di Aruba den antesala di e celebracion di Nos Dia Nacional, ta organisa un Parada Nacional di Luz den cual e colornan di e bandera di Aruba lo briya den e cayanan di Oranjestad si esaki bira posibel.
E evento publico aki ta parti di e ‘exit strategy’ cu minister Dangui Oduber a bin cu ne cu ta aplica pa Aruba por bay bek na normalidad despues di un temporada di 2 aña cu nos Pais a enfrenta e crisis cu e pandemia a trece cune.
Sinembargo polisnan no ta contento cu esaki. Sindicato SPA tabatatin reunion cu su miembronan y a elabora riba diferente puntonan manera e situacion di e 12.6 % cu sindicatonan ta hibando un lucha pa e por ser kita, pero tanto gobierno di Aruba y di Hulanda a avisa caba na e sindicato cu esaki no ta posibel.Sinembargo ya caba a keda menshona cu gobierno a bin cu un parada nacional di luz cu lo ta dia 26 di februari awo, pero no ta solamente e partisipantenan ta conta, pero un operacion completo su tras cu ta trata di polis, ambulance y rode kruis ect ect.Esaki sigur tin su gastonan tambe cu ne.
Sindicato SPA a trece e punto aki padilanti cu polisnan pa traha den e parada di luz esaki sigur no a cay na agrado mescos cu e situacion di 12.6% di nan miembronan y manera un cuerpo uni a vota contra di e parada y cu polisnan no lo traha parada.
Tin un disgusto ta reina den KPA mirando e trabao duro cu nan a eherce durante di pandemia , entregando 12.6% y awo kier pone mas trabao unda cu no a debolbe e 12.6%. Esey ta loke ta biba den e curasonan di cada polis y cu ta spera cu lo por traha y crea un manera pa nan ricibi nan 12.6% bek teniendo na cuenta cu nan ta esnan cu ta carga e pais aki su siguridad.
