Port St. Maarten ta orguyoso di anuncia e conclucion exitoso di e Proyecto di Modernisacion di Iluminacion di Simpson Bay Causeway Bridge, un inversion den infraestructura cu ta modernisa y mehora e fucionalidad, confiabilidad y aspecto visual di un di e entradanan mas reconoci di St. Maarten.
E proyecto a encera e reemplaso completo y modernisacion di e sistema di iluminacion di e brug, mihoracionnan den e infraestructura electrico y di control, instalacion di panelnan lateral nobo fabrica, reparacion di componentenan clave di e brug, y e implementacion di tecnologia avansa di LED programabel den henter e structura.
Awor e brug tin mas di 1,350 meter di iluminacion LED linear programabel, cu aproximadamente 675 meter di luz instala na cada banda di e brug. Si pone esaki verticalmente, e largura total di e luznan instala lo ta mas halto cu un edificio di 400 piso, locual ta ilustra e scala y complejidad di e proyecto.
E sistema di luz nobo instala ta utilisa tecnologia LED moderno y eficiente den consumo di energia, locual ta reduci e uso di coriente significativamente miertras e ta ofrece un miho briyantez, durabilidad y rendimento operacional. E sistema ta completamente programabel, permitiendo e brug pa mustra colornan dinamico, animacion y secuencianan di luz tematico pa asina apoya celebracionnan nacional, eventonan cultural, campañanan di concientisacion y conmemoracionnan special durante henter aña.
Despues di lunanan di planificacion, atquisicion, revisionnan di ingenieria, fabricacion y coordinacion di logistica, e trabounan fisico a cuminsa na januari 2026, y a wordo conclui exitosamente segun e schema pa dia 4 di juni 2026.
Pa celebra e conclucion exitoso di e proyecto, Port St. Maarten lo organisa un sho di luz inaugural special di 20 minuut cu ta cuminsa pa 7:00 p.m. riba diabierna, 5 di juni, caminda lo mustra e capacidad completo di e sistema di iluminacion nobo.
Despues di e presentacion inaugural, e Simpson Bay Causeway Bridge lo wordo ilumina na color morado (vaccess) pa apoya Concientisacion di Vitiligo, demostrando e compromiso continuo di e Port cu participacion comunitario y apoyo pa causanan social importante.
Port St. Maarten ta expresa su sincero aprecio na tur e socionan di e proyecto, contratistanan, partidonan interesa di gobierno, equiponan tecnico, y miembronan di publico pa nan pasenshi, cooperacion y apoyo durante e ehecucion di e trabounan.
“E conclucion di e Modernisacion di Iluminacion di Simpson Bay Causeway Bridge ta subraya e compromiso di Port St. Maarten pa preserva y mehora infraestructura critico, miertras ta percura pa un di e monumentonan mas iconico di e isla sigui fungi como un fuente di orguyo pa habitantenan y bishitantenan pa generacionnan binidero,” asina Alexander Gumbs, Chief Executive Officer di Port St. Maarten Group, a declara.