Featured Politica

Premier Evelyn Wever – Croes: British Airways ta cuminsa bula pa aruba señal cu cosnan bon tin na caminda


E siman a tuma luga un momento historico, British Airways ta inicia cu vuelonan pa Aruba. Aruba ta marca historia como e prome destino den Caribe Hulandes cu introduccion di vuelonan di British Airways. Pabien Aruba

Pa hopi aña a bin ta traha riba e partnership aki, y e esfuersonan a intensiva den e ultimo 7 añanan. Awor orguyosamente por anuncia cu entrante luna di maart 2023 Aruba lo tin un aerolinea nobo esta, British Airways. Introduccion di e aerolinea ta trece 15 mil turista Aruba pa otro aña. Esaki sigur ta bon noticia, Prome Minister Evelyn Wever – Croes a expresa. 

Aruba ta e prome destino den Caribe Hulandes cu ta introduci vuelonan di British Airways. Reino Uni ta e di dos mercado clave for di Europa y cu esaki ta sigui diversifica! Pabien ta bay pa henter e ekipo di Aruba cu a traha duro y haci esaki posibel. E ta un señal cu cosnan bon ta na caminda.

Por ultimo, Prome Minister a expresa cu e logro historico aki ta danki na e vision di Minister encarga cu Turismo Dangui Oduber y e institutonan cu ta resorta bou di su Ministerio, AAA NV y ATA. Pabien Aruba! Mas turismo ta significa mas desaroyo economico, mas cupo di empleo, mihor sueldo y sigur mas progreso y bienestar pa henter e comunidad di Aruba. 

Related posts

Proyecto di camara lo yuda pa proteha vandalismo na propiedadnan di Aruba

EA News Author

Negoshi pa trece illegal Aruba ta keda un trent cu no ta aceptabel

EA News Author

Parlamentario Shailiny Tromp-Lee (MEP): Fin di siman tras di lomba tabata uno yena di celebracion cultural, talento y creatividad. Pabien na tur cu a participa, gana y cu a haci e dianan aki posibel

EA News Author

Leave a Comment