PoliticaFeatured

Premier Wever-Croes a reuni cu Gemeente Venray pa explora areanan di cooperacion

Mp Venrey 2

Durante su bishita na Hulanda, Prome Minister Evelyn Wever-Croes hunto cu Minister Plenipotenciario sr. Ady Thijsen a reuni cu henter e colegio di Gemeente Venray riba diferente posibilidad di cooperacion. Prome Minister a expresa cu e reunion tabata uno positivo, na unda por a nota e interes grandi cu henter e colegio tin pa traha cu Aruba. Tambe durante e reunion, a logra identifica algun area di cooperacion,  manera intercambio economico, cultural, y enseñansa. Pa cu enseñansa, ya caba tin varios institutonan cu ta den combersacion cu stichting EPB na Aruba, cu ta un area cu ta hopi importante pa Gobierno por brinda e hobennan mas oportunidad. E siguiente paso ta pa firma un “letter of intent” caminda ta concretisa e palabracionnan pa Aruba sigui traha hunto cu Venray. 

Prome Minister ta gradici sra. Amira Luydens-Dabian, cu como Arubiano, biba na Hulanda, y como miembro di  Geemente Raad Venray, a cuminsa cu e iniciativa aki. Señora Luydens y su famia tin mas di 40 aña na Hulanda, pero mirando cu su curason semper a keda na Aruba, a traha duro pa brinda Aruba mas oportunidad. 

“Mi ta gradici Minister Plenipotenciario Ady Thijsen y su ekipo cu a traha hopi duro pa logra yega na e acuerdonan di cooperacion cu Aruba riba tereno di comercio, estudio, y cultura. E acuerdonan aki sigur ta di gran beneficio pa pais Aruba”, Prome Minister a duna di conoce. 

Mp Venrey 6Mp Venrey 4Mp Venrey 1Mp Venrey 3

Related posts

Na Korsou mester inskribí di forma digital pa inskripshon pa prueba di naturalisashon

EA News Author

For di 22 di augustus Aruba a cuminsa redirigi desperdicio

EA News Author

Liña di telefon pa adulto mayor ta un necesidad pa nos grandinan

EA News Author

Leave a Comment

Whatsapp Message