Presidentenan di Club di Harley a reuni pa celebracion grandi di 120 aña di Harley-Davidson

Club nan di Harly tabatin un anochi informativo pa tur e presidente di e clubnan. Oscar Britten a hiba palabra y a presenta e programa cu tin  pa celebra 120 aña di Harley-Davidson.

Na Aruba tin hopi clubnan di Harley y a organisa un ride cu yama Blue Moon cu lo tuma luga 2 di september venidero. A dicidi di yama e ride Blue Moon debi cu e aña aki mundo ta conoce 13 full moon y esun di fin di augustus comienso di september a ser yama  Blue Moon.

E Ride lo sali for di South Beach y lo termina na barcadera 2A, aki ta bay tin un celebracion unda cu ta bay tin banda, Dj , diferente premio y weganan. E evento aki ta pa celebra e 120 aña di Harley Davidson , e evento tampoco no tin ningun costo mara na dje, tur e harley  ta bon bini .

Pa cu e Ride di Blue Moon no mester inscribi, pesey mes a yama reunion cu e presidentenan di cada club di Harley na Aruba pa asina trece e idea padilanti.  Lo ta bay tin openbar y tur miembro di club independiente  cu ta core harley ta haya un banchi y cu e banchi ta haya e servicio di bebida y cuminda gratis.

Sinembargo esunnan cu kier celebra hunto cu e club nan di Harley tambe por haci esaki, pero nan no lo ricibi nada gratis manera e miembronan.  Tambe lo ta bay tin nuebe pareha cu ta di clubnan di Harley di Colombia cu lo bin celebra na Aruba cu un total di 30 hende. Tambe a acerca A.T.A  y ta coopera cu lo duna e club di Colombia un regalo di Aruba asina cu nan yega na aeropuerto. Tambe a haya cooperacion di e taxistanan cu ta core harley y nan a pone nan mes disponibel pa bay busca e miembronan di Colombia y asina yama nan bon bini na Aruba.