FeaturedLocal

Preveni maltrato di Aruba su Tonino

1. Eagle Beach Jet Ski Area 2 2

Eagle Beach, cu su area designa pa jetski,  ta situa net banda di Malmok y Palm Beach,  cu ta conoci como e area  di refugio mas hopi usa pa tonino, ora nan ta debilita y vulnerabel. Recien, Aruba Marine Mammal Foundation a assisti na un varamento di tonino na Eagle Beach, cu a wordo causa pa disturbio y actonan peligroso di coredor di jetski y usarionan di laman.

Importancia di turismo marino responsabel

E incidente aki ta un recordatorio fuerte di e desafio nan contemporaneo cu mammal marino ta enfrenta pa cu nan sobrevivencia, incluyendo e impacto di actividad humano riba nan habitat. E aumento drastico di actividad turistico ta trese preocupacion grandi pa e bienestar di e tonino cu ta busca refugio y e conservacion di su sanctuario aki nan. AMMF ta enfatiza e importancia di turismo marino  y actividad  recreacional  responsabel pa por proteha e existencia di e refugio vital di tonino na Aruba.

Acto humano dañino 

E incidente a cuminsa ora un grupo di tres tonino di especie Stenella attenuata a acerca Eagle Beach buscando refugio,  y a atrae atencion di jetskier nan. Lugar di respeta e presencia di tonino  y mantene un distancia pa garantisa nan seguridad, e jetskier nan a procede cu comportacion cu a pone e bienestar di e tonino den peliger. A persigui y rondona e grupo di tonino, entre otro pa saca potret, y den e conmocion aki a separa un tonino recien adulto fe su grupo, cu a tuma rumbo pa menos profundidad mas cerca di costa, caminda molester di usario di laman a continua y a conduci cu ela subi tera. Afortunadamente, varios turista  y un compania di alkila jetski a alerta autoridad nan, y cuater turista bondadoso a brinda ayudo na e tonino te ora cu e team di rescate di mammal marino di Aruba Stranding Network (ASN)  a yega y a asumi encargo di e cuido di e tonino.

6. An Injured Stenella Frontalis Sheltering At Mangel Halto Refuge 2014 25. Sb Newborn And Vomiting At Mangel Halto 2021 24. Sa Escort Helping At Malmok 2021.1.12 Jpg 2 Scaled3. Sa Sleeping At Malmok 2021 01 12 22. Sa Eagle Beach Refloated Dolphin 2023.11.25 2

Related posts

PRONOSTICO DI TEMPO VALIDO TE DIABIERNA 20 DI MAART 2020, 18:00 ORA.

EA News Author

E prome coaching clinic di USA Baseball na Aruba tawata sumamente exitoso!

EA News Author

CUEPRO POLICIAL TA INFORMA TOCANTE MANIFESTACION

EA News Author

Leave a Comment

Whatsapp Message