Mirando ku Dia di Boneiru ta aserkando, gustosamente Komishon Dia di Boneiru ke ekspresá su sinsero apresio pa e tremendo reakshon di parti di komunidat boneriano. E reakshonnan entusiasmá a resultá den un asignashon rápido di mayoria di e sitionan pa stènt. Sinembargo aktualmente ainda tin algun sitio disponibel pa stènt di artesania.
Dia di Boneiru kaminda nos ta selebrá Boneiru su kultura riku, su tradishonnan i su diversidat, lo tuma lugá dia 6 di sèptèmber riba e lugá di stashoná outo dilanti di Ofisina Prinsipal di Gobernashon.
Pa interesadonan ku ainda ku partisipá komo doño di stènt pa artesania, te ainda e oportunidat akí t’ei. Nos ta enkurashá tur artista i mente kreativo pa hasi uso di e okashon akí i registrá nan mes te ku 30 di ougustus 2023. Registrashon pa un stènt ta posibel via e formulario riba nos wèpsait ofisial:
https://bonairegov.com/formulier-inschrijving-standhouders-bonairedag
1 comment
[…] Source link […]