Ta temporada di vakantie y hopi hoben ta forma parti di diferente actividadnan rond di Aruba. Un biaha mas e aña aki ATHA Asociacion Trabou di Hubentud na Aruba ta organisa e proyecto di “Poder di Hubentud “ pa empodera e hobennan pa saca nan potencial pa asina nan mes haci un impacto positivo en comunidad.
Diasabra ultimo tabatin un prome seccion cu a tuma luga na Arashi Beach cu yama “Lets Talk “ aki lo papia riba reglanan y nan mes lo bay pone nan input di kico ta bay ta e limitacionnan pa nan mes den e proyecto aki , pero tambe ta papia un poco di ley y regla cu nan mester tene cuenta cu ne. Tambe den e grupo tin algun mucha mayor di edad y tin no y cada uno mester respeta otro , pero apoya otro tambe.
Francesca Heinze director di ATHA ta indica cu cada bes lo ta bay ta na un otro sitio unda cu lo saca lo maximo di e muchanan. Na Arashi Beach ta un momento cu ta hunto y lo tin recreacion y lo landa , pero na mes momento ta bay ta den combersacion cu otro riba diferente topiconan. Un total di 26 mucha a participa pa e proyecto di poder di hubentud.
E proyecto den su totalidad lo mester termina pa november y durante di e lunanan nan lo wordo ekipa cu tayernan con pa hinca un proyecto den otro. Tambe lo haci diferente bishita pa complementa nan proyecto di loke ta nan pensamento cu ta e solucion pa e problematica cu ta mas cerca di nan curason.
