Local

Qredits Aruba den colaboracion cu ministerio di Asuntonan Economico, Comunicacion y Desaroyo Sostenibel ta anuncia e inicio di e di dos programa di “BeYourOwnBoss” Fall course


Un total di 43 participante a cuminsa cu e “BeYourOwnBoss” fall course 2022. En total tabata tin 78 registration unda cu un biaha mas, ambos localidad a yena nan cuponan por completo. E programa “BeYourOwnBoss” ta un curso cu e meta pa educa y prepara e cursistanan pa ta un empresario exitoso den futuro. Den pasado mas di 200 persona a finaliza e curso existosamente y a ricibi nan certificacion.

E curso aki lo ofrece e cursistanan mas conocimento di e mercadeo, con pa skirbi un plan di negoshi y plan financiero y tur e rekisitonan cu ta necesario y importante ora di habri un negoshi.

E curso a cuminsa dia 23 di Augustus y lo termina dia 13 di October. Lesnan lo wordo duna riba diamars y diahuebs di 6:30 pa 9:00 di anochi y lo wordo ehecuta na Colegio EPI y na EPB San Nicolas. E materia lo wordo duna door di docentenan Mr. Jeandré Hessen y Ms. Twyma Van der Biezen.

Qredits Aruba ta situa na Bilderdijkstraat 16 y ta yuda comerciantenan cu financiamento pa cuminsa nan propio negoshi of expande nan negoshi. Ademas, Qredits Aruba ta yuda empresarionan cu coaching y business tools. 

Related posts

Fundacion Telefon pa Hubentud Aruba  ta presenta My Life, My Chance

EA News Author

Evelyn Wever Croes: Continuacion di gobernacion di MEP pa un pais stabil ta nesesario

EA News Author

Notario Lo Efectua E Anuncio Encuanto E Interesadonan Den E Reoi 1 Y Reoi 2

EA News Author

Leave a Comment