Red Cross Aruba y Red Cross Bonaire tabata hunto pa 5 dia den un camp unda cu a siña y practica hopi riba e parti di desaster. E deseo semper a keda pa train cu Red Cross di henter Caribe . Pero no ta tur pais por a logra pero si Red Cross Boneiro a logra y e dianan di siña y training nan a bay hopi bon na Aruba.
Segun Marilane Koolman Lopez assistent desaster manager di Red Cross Aruba ta duna di conoce cu e plan tabata pa a train riba e tema di desaster unda cu a uza diferente tools y temanan cu a siña den exterior den e ultimo temporadanan. Den e 5 dianan di camp a haci diferente training nan unda cu a siña di A te Z di cuminsamento con e prome procesonan ta cuminsa, plania y atende cu e personanan den e desaster.
Tambe a haci diferente scenarionan unda cu a haci diferente asimilacionnan pa train y mira e desaroyo durante di e proceso di lesnan. Cada training tabata diferente y tabatin diferente scenarionan, sinembargo den cada escenario ta mira e progreso y e puntonan cu mester tene cuenta cu ne cada ken ta mira esaki mas miho y ta atende cu e scenario hopi mas miho cu na cuminsamento.
Red Cross Aruba ta hopi satisfecho mirando e desaroyo cu den e 5 dia nan aki a tuma luga unda cu berdaderamente e boluntarionan ta uzando e toolsnan y tipnan cu ta ser duna. Importante ta pa sa e miho manera pa lanta y transporta pashent ta hopi esencial na momento cu ta trata cu hende. E weekend a cana asina bunita y cu un tremendo ambiente y ta tuma nota cu ta RED Cross engeneral ta un famia grandi aunke nos ta di otro paisnan.
Banda di e training nan aki loke ta un realidad cu RED Cross ta rond di mundo y nan ta traha hunto . E islanan ruman ta traha hunto y no ta traha solamente hunto den calamidad pero ta train hopi biaha hunto, pero tambe e ta pa conoce otro den tur aspecto manera cultura y sistema di traha unda ta crea un laso pa asina na momento cu algo pasa ya caba e contacto tey y sa tambe kende pa atende cu ne y pidi ayudo den kico cu por pasa.
Esaki ta conta visa versa , hopi biaha nos ta bisa cu na Aruba no ta pasa nada pero na e otro islanan si , pero e realidad ta cu ta un het nederlanse rode kruis nos tin y si ta toca pa sali pa otro ta sali yuda otro principalmente cu nos ta islanan ruman. Diadomingo ultimo a parti certificado y gradici tur esunnan cu a participa.
