E promé beibi di aña 2021 Shakur Coffie, a haña un regalo di Entidat Públiko Boneiru. Ta un kustumber pa algun aña kaba ku e diputado di Asuntu Sosial i Bienestar na nòmber di Entidat Públiko Boneiru ta bishitá e mayornan i e beibi i hasi opsekio di un bunita regalo.
Debí na e situashon di Covid-19 diputado Nina den Heyer a laga entregá e regalo na e orguyoso mayornan.
Entidat Públiko Boneiru ta deseá e mayornan tur klase di felisidat ku yegada di Shakur i ku Shakur lo lanta un siudadano ehemplar ku lo hasi su mayornan tambe orguyoso.
