Ricardo Croes di RED ta duna di conoce cu e Hues den su veredicto ta duna di conoce cu tur locual cu a nota di dje ta mustra bon cla cu sra. Kinsasha van der Bliek a cende un joint dia 20 di april riba live video. Sinembargo esey no tabata e discusion den e caso, pero loke cu si ta den discusion ta e styraf desproporcional, e persecucion politico cu nunca a caba encontra di e integrantenan di partido RED, encontra di casanan di integrantenan di partido RED, encontra di yiunan di integrantenan di RED, encontra di personanan cu nan sa cu ta afilia cu RED. Segun Ricardo Croes Hues a bisa tambe den corte na gobienro cu e straf nan cu a keda impone pa kita Kinsasha van der Bliek for di trabao ta desproporcional. Segun ricardo Croes Hues ta bisa tambe e bril cu mester a wak e situacion aki ta cu Kinsasha van der Bliek den su calidad di candidato politico di partido RED Democratico cu tin como punto legalisacion di Canabis, no solamente Kinsasha van der Bliek tin e derecho di expresion cu no ta wordo limita ni pa e echo cu e ta un ambtenaar.