Roselinde Barros van der Poel di Syntropica Agriculture Aruba ta un forest farmer aki na Aruba y ta haci diferente workshop cu diferente persona cu ta interesa. E workshop ta duna e principio di Syntropic Agroforrestry y mester tin bon tera pa por haci esaki. Segun e experto tin un cantidad di persona cu ta interesa riba plantacion di cuminda y kier sa mas di esaki.
Si mester mira Aruba su tera tin hopi hubada y diferente matanan di sumpiña cu ta stroba. Na unda cu tin mata di sumpiña ta indica cu e mata ta trahando riba e tera y no ta desea pa hende ni bestia bin y pesey mes nan funcion den naturalesa ta pa hinca tur esunnan cu ta bin den cercania.
Cada tipo di mata tin nan tarea den naturalesa y pa anos tin un miho medio ambiente. Sinembargo si nos mester laga e proceso aki cana su caminda normal lo bay tuma den careda di 400 aña pa por tin un bon caminda pa planta. Sinembargo loke cu ta ser haci cu Agroforrestry ta pa observa loke ta pasa den e naturalesa y haci e proceso mas lihe. Loke cu e cursistanan a siña di e prome paso ta pa pone tur e productonan organico den tera pa asina tin un tera fertil pa crea un foresta nobo pa cuminda.
Cu e sistema di Agroforrestry ta planta hopi cerca di otro debi cu mester tene cuenta cu e santificacion di palo. Cada palo tin e necesidad di luz y tin algun cu no mester di hopi solo, na momento cu sa cua ta e tipo di palonan cu mester di mas solo y cua no ta importante pa sa unda pa plantanan y dicon ta hopi importante.
E grupo di cursistanan a planta den cada 30 cm un mata. E matanan cu mester di menos solo ta planta rond di dje extra yuca pa asina nan por haya mas sombra. Na momento cu nan a caba di planta nan a logra haci un rij di mata, yerbe y rij di berdura. Tambe ta planta cu yerbe di bombasa cu ta un tipo di yerba cu ta hopi bon pa uza y por corta nan cada pasa 3 siman y na momento cu corta e yerbe aki e ta laga su hormonanan pa e tera unda cu esaki ta hopi importante pa e mata cu ta bay crece y ta duna e mata forsa pa por crece mas fuerte. Tambe banda di e matanan tambe ta haya un tipo di placenta, cuminda y berdura.
A haci e proceso pa pone e placentanan bao di e matanan y esaki ta significa cu lo haya boonchi, oregano unda cu lo pone esaki rond di e mata pa asina cu e tera ta keda bon yena. E curso di Agroforrestry a keda haci na varios ocasion y hasta profesionalnan di exterior a bin Aruba pa asina duna cursonan mas avansa den e tereno di plantacion. Na juni lo tin un otro curso na Hulandes y na augustus lo tin un otro curso na papiamento. Segun Roselinde Barros van der Poel banda di e cursonan aki tambe nan ta hopi activo na diferente scolnan.
